7-mavzu. Mintaqalarni ijtimoiy-iqtisodiy va innovatsion rivojlantirish strategiyalari reja

3. Mintaqalarni ijtimoiy – iqtisodiy rivojlantirishda innovatsion shart-sharoitlar

O’zbekiston va uning mintaqalarida vujudga kelgan iqtisodiy sharoitlarning innovatsiya jarayonlari o’z-o’zini faollashtirish uchun to’liq zaminga ega emas. Ishlab chiqarish salohiyatini rivojlantirish uchun iqtisodiy mexanizm yaratilmagan, ishlab chiqarish sektori uchun investitsiya zaxiralarini to’plash mexanizmi ham mavjud emas, shuningdek kapitalning tarmoqlararo aylanishini tashkil eta oladigan investitsiya institutlari shakllanmagan. Bularning hammasi O’zbekistondagi innovatsiya jarayonini jonlashtirishga qodir investitsiya siyosatini amalga oshirish mexanizmini yaratish zaruratini keltirib chiqaradi.

Iqtisodiyotni jadallashtirish sharoitlarida mazkur mexanizm bir necha blokni o’z ichiga olishi kerak:

markazlashtirilgan kapital qo’yilmalarni (davlat va mahalliy budjetlardan) oqilona taqsimlash va ulardan samarali foydalanishga yordam beradigan iqtisodiy vositalar va tashkiliy choralar;

investitsiya faoliyatining moliyaviy negizini mintaqaviy darajada mustahkamlashning iqtisodiy mexanizmi;

korxona va tashkilotlar xususiy jamg’armalari o’sishiga ko’maklashadigan iqtisodiy usullar;

xususiy tadbirkorlar investitsion faolligini rag’batlantirishning iqtisodiy mexanizmi;

aholi jamg’armalarini iqtisodiyotni investitsiyalash maqsadlariga jalb etish qurollari;

to’g’ridan-to’g’ri va zayomli xorijiy investitsiyalarni jalb etish bo’yicha choralar.