7-Mavzu: Matematik statistikaning maqsad, vazifalari va asosiy tushunchalari

Tanlanma va bosh to’plam. Tanlash usullari
Odatda bizni bosh to’plamning ma’lum bir xususiyatlari qiziqtiradi: tabletkadaga S vitamin miqdori, matematika mutaxassisligi bo’yicha diplomli mutaxassislarning jinsi, yoshi va boshqalar. Xususiyatlar qat’iy xarakterga (masalan, jinsi, yoshi, kollejda o’qigan yillari) yoki sonli xarakterga ega bo’lishi mumkin. Birinchi holatdagi xarakter baholari - kategoriyalardan (toifalardan) iborat (masalan, ayol yoki ikkinchi kurs), ikkinchi holatning baholari – sonlardan iborat (masalan, yoshi 23 da, S vitamin miqdori 65 mg). O’zgaruvchi – to’plamning bir maqsadidan boshqasiga o’zgarishi mumkin bo’lgan xarakteristikaning ixtiyoriy bahosidir.²
Aytaylik, ishlab chiqarilgan mahsulotlarning katta to’piga tegishli biron-bir xususiyat (masalan, mahsulotning o’lchami, og’irligi, narxi va hokazo) o’rganilayotgan bo’lsin. To’pga tegishli barcha mahsulotlar bosh to‘plamni tashkil qiladi deyiladi. Ko’p hollarda , bosh to’plamga mahsulotlar juda ko’p miqdorda bo’lib, ularning barchasini uzluksiz o’lchash amaliyotda mumkin bo’lmaydi. Ba‘zi hollarda bu umuman mumkin bo’lmasa, ayrim hollarda juda katta xarajatlarni talab qiladi. Bunday hollarda bosh to’plamdan tasodifiy ravishda chekli sondagi mahsulot ajratib olinadi va ularning xususiyatlari o’rganiladi. Bu jarayon tanlanmalarga olib keladi. Demak, tanlanma bosh to’plamdan tasodifiy ravishda olingan elementlar. Tanlanmalar usuli deganda biz bosh to’plamdan tasodifiy ravishda olingan elementlarga xos bo’lgan qaralayotgan xususiyatlarni statistik tahlil qilib, shular asosida bosh to’plam elementlariga xos bo’lgan xususiyatlar haqida umumiy xulosalar chiqarishni tushunamiz.
Matematik statistikada har qanday mulohaza va xulosalar statistik ma‘lumotlarga yoki boshqacha qilib aytganda tajriba natijalariga tayanadi. Odatda tajriba natijalari taqsimoti F(x) bo’lgan X tasodifiy miqdorning kuzatilmalaridan iborat bo’ladi. Demak, kuzatilmalar bog’liqsiz va X tasodifiy miqdor bilan bir xil taqsimlangan tasodifiy miqdorlar ekan. Bunda, larni o’sish (yoki kamayish) tartibida qabul qilmaslik kerak. Ular shunchaki, variantalarning tartibini bildiradi. Masalan, - birinchi tanlangan varianta, – ikkinchi tanlangan varianta va h.k..
Kuzatilmalardan tuzilgan ( ) vektor hajmi n ga teng bo’lgan tanlanma deyiladi.
Endi X bilan X tasodifiy miqdor qabul qiladigan qiymatlar to’plami bo’lsin. X to’plam bosh to’plamdan iborat bo’ladi. X to’plam chekli yoki cheksiz bo’lishi mumkin. Mavzu boshida ko‘rilgan misoldagi barcha mahsulotlarning xususiyatlaridan iborat to’plam-bosh to’plam va shu xususiyatlarning sonli ifodasi esa X tasodifiy miqdor qiymatlaridan iborat bo’ladi. Bosh to’plam X dan qiymatlar qabul qiluvchi X tasodifiy miqdorning taqsimot funksiyasini va sonli xarakteristikalarini (masalan, matematik kutilma, dispersiya, yuqori tartibli momentlar va hokazo) mos ravishda nazariy taqsimot va nazariy sonli xarakteristikalar deyiladi. Kuzatishlar asosida aniqlangan taqsimot funksiya va unga mos sonli xarakteristikalar empirik yoki tanlanma taqsimot funksiyasi va sonli xarakteristikalari deyiladi.