7-mavzu. Boshqarishda axborot va kommunikatsiya. Reja: Axborotlar tizimi

6). Noformal kommunikatsiyalar. 
 
Noformal kommunikatsiyalar yo’nalishini mish - mishlar tarkatish yo’nalishi deb atash 
mumkin. Bu bo’limga o’zining kommunikatsiyalarga bo’lgan qarashlarini asos qilib olgan taniqli 
tadqiqodchi Kit Devis aniqlashicha, bu terminni kelib chiqishi AQSh dagi grajdanlar urushi davriga 
tug’ri keladi. Daraxtlardan daraxtlarga tortilgan telegraf aloqasi simlari toklardagi zarpechaklarga 
o’xshaydi va SHimol bilan Janub armiyalari o’rtasida telegraf orqali beriladigan ma’lumotlar ko’p 
hollarda chalkashtirib beriladi. Natijada noto’g’ri ma’lumotlar va axborotlarni "mish- mish" singari 
qabul kiladi. 
«Mish-mishlar» suvda sovutilgan avtomatlar orasida yo’laklarda, oshxonalarda va guruhlarda
to’planadigan boshqa joylarda aylanadi. Formal axborotdan ko’ra mish - mishlar tez tarqalgani 
uchun rahbarlar informatsiyani rejalashtirilgan holda tarqatishdan foydalanadilar yoki "faqat 
o’rtamizda qolishi kerak" singari ma’lumotlarni tarqatadilar. 
Mish-mishlar noto’g’ri informatsiya manbai ekanligi bugungi kunda ham saqlanib qolgan. 
Ammo, noformal ma’lumot yo’nalishi bo’yicha uzatiladigan informatsiya, ya’ni mish-mishlar 
to’g’ri kelishini tadqiqotlar ko’rsatmoqda. Devis tadqiqoti bo’yicha 80-99% to’g’ri keladi. Uning 
hisoblashicha emotsianal tarzda biriktirilgan informatsiyalarda aniqlik darajasi bunday bo’lmaydi. 
Devis ta’kidlaydiki: “Odamlar mish-mishlarni noaniq informatsiya sifatida qabul qiladilar, chunki 
real xatolari ko’pdir, kundalik aniqliklardan ko’ra, xotiraga chuqurroq o’rnashadi”. Aniqligidan 
qat’iy nazar, ular ijobiy yoki salbiy ta’sir qilsa ham, mish-mishlarni ta’sirini ko’pchilik tan oladi.