7-Ma’ruza. Testologiya fanining metodologik asoslari (4 soat) Reja

prinsip. Test topshiriqlari mazmunining majmuali va muvozanatlashgan bo’lishi prinsipi.

Mazkur prinsip test topshiriqlari mazmunini tanlashda maqsadga muvofiqlikni keltirib chiqaradi, ya’ni reyting tizimining oraliq va yakuniy nazorat uchun tuzilayotgan test topshiriqlarining mazmuni uning turi va qo’llanilishini e’tiborga olingan holda bob, bo’lim yoki kurs mazmunini to’liq qamrab olishini taqozo etadi.
Shuningdek, yakuniy nazorat uchun tuzilayotgan test topshiriqlari o’zida kursning nazariy masalalari, tushunchalar, qonunlar va qonuniyatlar, gipotezalar, faktik materiallar, masala va mashqlarni mujassamlashtirishi lozim.

8. 
   prinsip. Test topshiriqlari mazmunining tizimliligi prinsipi.
   

Mazkur prinsipga asosan, test topshiriqlarining mazmunini tanlashda, mazmun tahsil oluvchilarning o’zlashtirgan bilim, ko’nikma va malakalarini nazorat qilish da tizimlilik talablariga javob berishi lozim. Undan tashqari test topshiriqlarining tizimli mazmuni, bir-biri bilan uzviy bog’langan bilimlarning umumiy strukturasini aks ettirishi zarur.
Demak, har bir test topshirig’i umumiy bilimlar tizimidan uning muayyan qismini nazorat qilishiga e’tibor karatish lozim.

9. 
   prinsip. Test topshirig’i mazmunining variativligi prinsipi.
   

Test topshirig’i birinchi marta amaliyotga joriy etilganda, ularning mazmuni tahsil oluvchilarga ma’lum bo’lib qoladi va test javoblari haqidagi axborotning chetga chiqib ketish hollarining oldini olish uchun, mazkur prinsip test savollari va javoblarini ko’p variantli qilish, ularni almashtirib, yangilab turishni taqozo etadi. Bu holatda test topshiriqlarining mazmuni va uni bajarish qiyinchilik darajasini saqlash talab etiladi.
Test topshiriqlariga qo’yiladigai talablar.
Test topshiriqlariga quyidagi talablar qo’yiladi:
- test topshirig’i mazmunining to’g’riligi;
- savolning mantiqiy jihatdan to’g’ri tanlanishi;
- test topshirig’i shaklining to’g’riligi;
- test topshirig’ining savol va javobning qisqaligi;
- test topshirig’i elementlarining to’g’ri joylashganligi;
- test topshirig’ining to’g’ri javoblari bir xil baholanishi;
- tahsil oluvchilarga test topshirig’ini bajarish bo’yicha bir xil ko’rsatma berilishi;
- ko’rsatmalarning test topshirig’i va mazmuniga mosligi.
Bundan tashqari test topshiriqlari Davlat test markazi tomonidan belgilangan talablarga javob berishi lozim.
Test toggshiriqlarini tuziщda mazmun asosiy o’rinni egallaydi, shu sababli o’quv kursi mazmunidagi bilimlarni aniqlash va ularga mos o’quv maqsadlariga erishish darajasini belgilaydigan test topshiriqlarini tuzish maqsadga muvofiq.