7-Амалий машғулот Халқаро исо 9000 сериясидаги стандартлар бўйича ишларни ташкил этиш

7-Амалий машғулот


Халқаро ИСО 9000 сериясидаги стандартлар бўйича
ишларни ташкил этиш
Режа:

1. 
   Халқаро ИСО 9000 сериясидаги стандартлар.
   
2. 
   Сифат менежменти тизимини жорий этиш этаплари
   
3. 
   Сифатни бошқаришнинг саккиз тамойили
   

Таянч сўзлар: сифат тизимлари, ИСО 9000, сифатни таъминлаш, сифат тўгараклари.
Замонавий педагогик технология элементларидан, масалан интерактив методини қўллаб дарс ўтилади.
Дарсда техник восита ва кўргазмали қуроллардан кенг фойдаланилади (кодоскоп, проектор, плакат ва ҳоказо).
Талабалар тарқатма материаллар билан таъминланадилар.
Талабалар мустақил фикрлаши учун тўла шароит яратилади.

Охирги пайтларда 9000 сериядаги ИСО халкаро стандартлари тўғрисида кўп эшитаяпмиз. Хуш, бу стандартлар кандай стандартлар ва нима учун қўлланилади?

Бу сериядаги стандартлар сифат тизимларини корхоналарда тадбиқ этишга мўлжалланган халқаро моделлар бўлиб ҳисобланади.
Чет давлатларда сифат тизими бўлмаган корхона ёки фирма билан ишлаб бўлмайди. Чунки биринчидан ҳеч кандай кафолат йўқ, иккинчидан эса сиз шартнома тузганингизда ҳам, сиз билан ишловчи бошқа субъектлар бундан бохабар бўлганларида уларнинг сизга нисбатан ишончлари камайиши мумкин. Шу сабабдан сифат тизимларига ниҳоятда жиддий аҳамият беришимиз керак.
Ҳозирда республикамизда халкаро сифат тизимларини тадбик этган ёки бунга ҳаракат қилаётган корхоналар сони кун сайин кўпайиб бормокда (Чкалов номидаги ТАИЧБ, Қимматли қоғозлар комбинати, тизимлари асосан ИСО 9001, ИСО 9002 ва ИСО 9003 стандартларида кўзда тутилган бўлиб, бу моделлар ўзаро кўлами билан фарқ қилади.
9000 сериядаги ИСО стандартларининг 2000 йил версияси учта стандартдан иборат:
ИСО 9000:2000 – Сифат менежменти тизими. Асосий қоидалар ва луғат.
ИСО 9001:2000 - Сифат менежменти тизими – Талаблар.
ИСО 9004:2000 - Сифат менежменти тизими. Фаолиятни яхшилаш бўйича тавсиялар.
ISO 10011 “Сифат тизимларини текширишда раҳбарий кўрсатмалар”;
ISO 10012 “Ўлчаш воситаларининг сифатини таъминлайдиган талаблар”.
Булар билан бир қаторда Халқаро стандартлаштириш ташкилоти уч тилда атамалар луғати яратган бўлиб, маҳсулот сифатини таъминлаш соҳасида уларнинг таърифларини ҳам ишлаб чиққан. Булардан ташқари ISO/МЭК (Халқаро электротехника комиссияси) томонидан ҳам бир қанча меъёрий ҳужжатлар ишлаб чиқилган.
2002 йили мазкур стандартларнинг янги версиялари қабул қилинди. Бунга кўра стандартларда сезиларли даражада ҳам таркибий, ҳам мазмунан ўзгаришлар киритилди. Стандартларнинг сони ҳам 2 тага камайди. Агар олдинги стандарт (ISO 9001) бандлар 20 та бўлган бўлса, эндиликда улар 8 тага келтирилди.
Энг асосийси, бу стандартлар устивор сифатида сифатни доимий тарзда яхшилаб бориш сиёсатини қўллайди ва истеъмолчининг талаби бажарилган бўлишини талаб қилади.