7-20-guruh rahbarining ma`naviy-ma`rifiy jurnali

III. Guruh rahbarini huquq va majburiyatlari
8. Guruh rahbari quyidagi huquqlarga ega:

Guruh rahbarii guruhidagi har bir o`quvchining shaxsiy varaqasi (anketa)da ko`rsatilgan barcha savollarga to`liq javob olish (o`quvchi to`g`risidagi har qanday ma’lumotlar: o`quvchining oilaviy ahvoli, ijtimoiy ahvoli, sog`lig`i, qiziqishi va hokazolar);

rahbarlik qilayotgan guruhining o`zlashtirishi, fan o`qituvchilari bilan o`zaro xurmat va do`stona munosabatini aniqlash maqsadida darslarni tahlil qilish;

dars tahlillari, psixologik so`rovlar, yakka tartibda o`tkazilgan suhbat va kuzatishlar natijasida rahbarlik qilayotgan guruhidagi har bir o`quvchi bilan yuzaga keladigan muammolarni hal qilish uchun ta’lim muassasa rahbariyatiga takliflar bilan murojaat qilish;

guruh o`quvchilariga yangi tahrirdagi “Ta’lim to`g`risidagi Qonun” ning Ta’lim oluvchilarning majburiyati va javobgarligi ko`rsatilgan 45-modda mazmun mohiyatini tushuntirish;

ta’lim muassasa rahbariyatiga ma’naviy-ma’rifiy tadbirlar uyushtirish uchun zarur amaliy yordam so`rab murojaat qilish;

guruh o`quvchilarini madaniyat maskanlari, tarixiy va muqaddas qadamjolarga sayohatlarini uyushtirish, shuningdek, o`quvchilarni qishki va yozgi ta’til davrlari hamda darsdan tashqari bo`sh vaqtlarini mazmunli tashkil etish bo`yicha rahbariyatga qo`shimcha takliflar kiritish;

guruhidagi har bir o`quvchi bilan bog`liq bo`lgan masala yuzasidan o`tkaziladigan muhokamalarda ishtirok etish;

guruh o`quvchilarning ta’lim muassasasini tamomlagandan so`ng bandligi bo`yicha ma’lumotlarga ega bo`lish;

guruhdagi ta’lim jarayonini sifat va samaradorligini oshirish maqsadidagi takliflar bilan chiqish;

Guruh rahbari qonun hujjatlariga muvofiq boshqa huquqlarga ham ega bo`lishi mumkin.