6 olmosh ravish fe’l olmosh

1. Holat ravishlari harakat-holatning qanday holda bajarilganligini bildirgan va qanday? qanaqa? qay holda? qay tarzda? so'roqlariga javob bo'luvchi ravishlardir.
Holat ravishlariga jim,yayov,chindan,qo'qqisdan,to'satdan,piyoda,majburan,tasodifan, tez,astoydil, eskicha,qatorasiga,birma-bir,yakkama-yakka,yonma-yon,birin-ketin, bafurja, qalban, xomligicha, birdan, yaqqol, yangicha, yayov,arang,zo'rg'a, mardlarcha singari so'zlar kiradi.
Misol: Tinglar edim betinim, Uzun tunlar yotib jim (H. Olimjon) 2. Ikki oshna kechki salqin bilan piyoda yo ’lga tushishdi. ( O’. Umarbekov)
Eslatma:Holat ravishlari tarkibiga kirgan qo'qqisdan, to'satdan, birdaniga, birdan singari ravishlar harakatning kutilmagan paytda tez yuzaga kelganini ifodalaydi.
To'satdan ravishi ayrim shevalarda to'sindan holida ham talaffuz qilinadi. Bunda u dialektal variant sanaladi.


2. Payt ravishlari harakat-holatning bajarilish yoki bajarilmaslik paytini bildirib, qachon? so'rog'iga javob bo’luvchi ravishlardir. Payt ravishlariga endi, hozircha, hanuz,hamisha, doimo,hamon,dastlab,erta-indin,qishin-yozin,kecha-kunduz,bugun,avval,keyin,so'ng,yaqinda kabi ravishlar kiradi.
Misol: Erta-indin rejani to'ldirgani haqidagi xushxabarni topshirmoqchi.Ular yerni kavlab kirolmabdilar, lekin bir zumda allaqancha yerni o'yib yuboribdilar.(Ertakdan)


3. O'rin ravishlari harakat-holatning bajarilish yoki bajarilmaslik o'rnini bildirgan va qayer? qayerga? qayerda? qayerdan? so'rog'iga javob bo'luvchi ravishlardir.O'rin ravishlariga
ichkari, tashqari, olg'a, uzoqda, yuqori, quyi, nari, yaqinda, olisda kabi so'zlar kiradi.