6-mavzu: qishloq xo’jaligi infratuzilmasining turlari va ahamiyati

1. Tovar qondiruvchi ehtiyojlar.

2. Sifat ko‘rsatkichlari.

3. Iqtisodiy ko‘rsatkichlar.

4. Tovarning tashqi bezatilishi.

5. Yangi tovarni tavsiflash.

6. Boshqa tovarlar bilan taqqoslash.

7. Patent huquqlari.

8. Eksport ko‘rsatkichlari va uning imkoniyatlari.

9. Mahsulotni takomillashtirishning asosiy yo‘nalishlari.

Tovar murakkab tushuncha bo‘lib, bir qator xususiyatlar yig’indisini qamrab oladi. Ulardan asosiysi – iste’molchilik sifatlari, ya’ni tovarning o‘z egasi ehtiyojlarini qondira olishi hisoblanadi.

Tovarning ko‘pchilik tomonidan qabul qilingan ta’rifi – “sotish uchun ishlab chiqarilgan mehnat mahsuli” to‘g‘ri bo‘lsada, tovarni pulga ayirboshlashdagi rolini emas, undan foydalanish imkoniyatlarining ahamiyatini ko‘rsatish muhim: tovar bu – ma’lum bir ehtiyojni qondirish vositasidir. Tovarning boshqa yana bir ta’rifiga ko‘ra – bu buyumning foydali xususiyatlari yig’indisidir. Shu sababli u iste’molchilar ehtiyojlarini qondirish uchun zarur bo‘lgan barcha tarkibiy elementlarni avtomatik ravishda qamrab oladi.

Tovarning iste’mol qiymati tovarning o‘zi va unga qo‘shimcha xizmatlar bilan bog’liq xususiyatlar yig’indisi sifatida namoyon bo‘ladi. Korxonaning barqaror muvaffaqiyati uchun doimiy mijozlar to‘g’risida g’amxo‘rlik qilish zarurligi sababli raqobatli bozorda tovar narxi, qadoqlanishi, dizayni, ergonomik xususiyatlari va unga tegishli hujjatlarga alohida e’tibor qaratish lozim.

Tovarlarni tadqiq etish iste’molchi nimaga ega bo‘lmoqchiligi, u mahsulotning qaysi iste’mol ko‘rsatkichlarini (dizayn, ishonchlilik, narx, servis) ko‘proq qadrlashi haqidagi ma’lumotlarni olishga imkon beradi. Shu bilan birga reklama kampaniyasi uchun eng omadli dalillarni olish, to‘g‘ri keluvchi savdo vositachilarini tanlash ham mumkin.

Tadqiqot obyektlari – o‘xshash tovarlar va raqobatchi tovarlarning iste’mol xususiyatlari, iste’molchilarning yangi tovarlarga reaksiyasi, tovar assortimenti, o‘rovi, servis darajasi, iste’molchilarning istiqboldagi talablari hisoblanadi.