6-mavzu: O’zbekiston Respublikasi shaxarsozlik kodeksi reja

2.Asosiy tushunchalari, vazifalari, tamoyillari, tarkibiy tuzilishi va mazmuni.
Yangi tahrirdagi O’zbekiston Respublikasi Shaharsozlik Kodeksi 2021-yil 22-fevraldagi O’RQ-676 sonli qonuni bilan qabul qilingan bo’lib, 12-bob, 85 moddadan iborat. 2002-yilda qabul qilingan Shaharsozlik kodeksidan farqli ravishda shaharsozlikka oid masalalar, tartib va taomillar qayta tizimlashtirildi, masalalarning ketma-ketligi va uzviyligi ta’minlandi.
Shaharsozlik kodeksining asosiy vazifasi shaharsozlik faoliyati sohasidagi munosabatlarni tartibga solishdan iborat ekanligi belgilab qo’yildi.
Shaharsozlik kodeksida O’zbekiston Respublikasida shaharsozlik faoliyatiga oid asosiy masalalar mazmuni o’z ifodasini topdi. Jumladan, shaharsozlik faoliyati prinsiplari, shaharsozlik normalari va qoidalari, idoraviy qurilish normalari, yuridik va jismoniy shaxslar, jamiyat va davlatning shaharsozlik sohasidagi manfaatlari, fuqarolarning shaharsozlik sohasidagi huquqlari, shaharsozlik faoliyatiga doir asosiy talablar, shaharsozlik sohasida yuridik va jismoniy shaxslarning huquq va majburiyatlari, aholi punktlari, ularning turlari, shaharsozlik faoliyatining obyektlari va subyektlari, shaharsozlik sohasida davlat boshqaruvi, shaharsozlik hujjatlari va ularning ekspertizasi, qurilishni nazorat qilish va amalga oshirish, shaharsozlik faoliyati sohasida jamoatchilik nazorati, shaharsozlik hujjatlari, ularning tarkibi, ularni ishlab chiqish,kelishib olish, ro’yobga chiqarish, rasmiylashtirish tartiblari, davlat shaharsozlik kadastri, hududlarni rivojlantirishni shaharsozlik jihatidan rejalashtirish, aholi punktlari va shahar atrofi zonalari hududlaridan foydalanish, shaharsozlik faoliyatini alohida tartibga solish, shaharsozlik faoliyatida yer munosabatlari, shaharsozlik faoliyatini moliyalashtirish hamda nizolarni hal etishga oid huquqiy normalarni o’z ichiga olgan.
Yangi tahrirdagi Shaharsozlik kodeksida quyidagi tushuncha va atamalardan foydalanilgan:
aholi punkti — huquqiy maqom, nom va chegara bilan belgilangan O’zbekiston Respublikasi ma’muriy-hududiy birligi (shahar, shaharcha, qishloq, ovul);