6-мавзу. Асосий воситалар ҳисоби

Ижарага берувчида. Ижара берувчи оператив (жорий) ижара бўйича қуйидагиларни ҳисобини юритади:
1..Ижарага берилган асосий воситаларни балансдан чиқармайди, лекинда уларни қийматини жорий ижарага берилган асосий воситаларни ҳисобга олишга мўлжалланган счетга ўтқазади. Масалан, ишчи счётлар режасига 0191 «Жорий ижарага берилган асосий воситалар» счётини очиши мумкин.
Дебет 0191 «Жорий ижарага берилган асосий воситалар»
Кредит 0120-0190 « Асосий воситалар ҳисоби счётлари»


2.Ҳар ойда лизинг шартномасига мувофиқ ижара фоизини (тўловини) ҳисобга олади:
Дебет 4820 «Қисқа муддатли ижара бўйича олинадиган ан тўловлар»
Кредит 9350 «Қисқа муддатли ижарадан олинган даромадлар»
3.Жорий ижара бўйича ҳисобланган ҚҚС суммасини акс эттиради
Дебет 4820 «Қисқа муддатли ижара бўйича олинадиган ан тўловлар»
Кредит 6410«Бюджетга тўловлар бўйича қарзлар


4. Ижара ҳақини келиб тушушини ҳисобга олади:
Дебет «Пул маблағлари счётлари» (501,5110,5210,5220 )
Кредит 4820 «Қисқа муддатли ижара бўйича олинадиган ан тўловлар»


5. Ижара муддати тугагач, лизингга берилган асосий воситалар қайта қабул қилинади ва эски счётлар таркибига тикланади:
Дебет 0120-0190 « Асосий воситалар ҳисоби счётлари»
Кредит 0191 «Ижарага берилган асосий воситалар»

Жорий ижаранинг аналитик ҳисоби шартномалар (ижарачилар) бўйича юритилади.

Мавзуга оид асосий таянч атамалар
Лизинг – бу ижара муносабатларининг алоҳида тури бўлиб, унда бир тараф (лизинг берувчи) иккинчи тарафнинг (лизинг олувчининг) топшириғига биноан учинчи тарафдан (сотувчидан) ҳақ эвазига эгалик қилиш ва фойдаланиш учун лизинг шартномасида белгиланган шартларда бериб қўйиш мақсадида мол-мулкни (лизинг объектини) олади.
Лизинг берувчи –бу лизинг шартномаси бўйича лизинг олувчига келгусида топшириш мақсадида лизинг объектини сотувчидан мулк қилиб олувчи шахс (субъект).