6-mashg‘ulot. Kashandalik va uning salbiy oqibatlari

6-mashg‘ulot. Kashandalik va uning salbiy oqibatlari

Maqsad	Zararli odatlarning salbiy oqibatlari haqida axborot berish orqali ularning oldini olish.
Vazifalar	Zararli odatlarning insonning nafaqat organizmiga, balki butun hayotiga salbiy ta’sirini muhokama qilish. Kashandalik va uning salbiy oqibatlarini muhokama qilish .
Umumiy vaqt	2 soat
Usullar	Taqdimot, kichik ma’ruza, aqliy hujum, munozara, rolli o‘yin, kichik guruhlarda ishlash, psixologik mashq va o‘yinlar.
Zarur materiallar	Flipchart, rangli markerlar.

videorolik ssenariysi. Kashandalik va uning salbiy oqibatlari
Kattalar Siz chekishning zararlari haqida hech o‘ylab ko‘rganmisiz? Nafaqat o‘zingizga balki yon atrofingizdagilarga, chekmaydigan insonlar, sizga qadrli bo‘lgan oila-a’zolaringizga zarari haqidachi? O‘ylab ko‘rganmisiz?
Biz bugungi videoroligimizda aynan chekish haqida va chekish oqibatida darhol va uzoq vaqt davomida yuzaga keladigan zararlar haqida gaplashmoqchimiz.
Chekish – kasallik va o‘limga olib keluvchi, lekin oldini olsa bo‘ladigan sabablardan biridir. Shunday bo‘lsada, har kuni juda ko‘p odamlar sigaret chekish bilan bevosita bog‘liq kasaliklar natijasida vafot etmoqda. Chekish – o‘pka saratonining asosiy sababidir.
Keling, chekish haqida quyidagi ma’lumotlarni ko‘rib chiqamiz:
1-fakt. Chekish tobelikni tug‘diradi
2-fakt. Nafas olinayotgan tutun xavfli
3-fakt. Chekish o‘pka uchun xavfli va emfizema kabi o‘pka kasalliklarini keltirib chiqaradi
4-fakt. Chekish saratonga sabab bo‘ladi.
5-fakt. Chekish yurakka va qon-tomirlarga ta’sir qiladi va yurak kasalliklari xavfini oshiradi
6-fakt. Homilador chekuvchi bo‘lajak farzandiga zarar keltirishi mumkin.