6-mashg‘ulot. Kashandalik va uning salbiy oqibatlari

Chekishda nikotin, uglerod oksidi va qurumning ta’siri.
Sigaretdagi uchta zararli moddalar o‘pkaga kirib boradi:

• 
  nikotin,
  
• 
  uglerod oksidi
  
• 
  qurum.
  

1).Nikotin nima va u organizmga qanday ta’sir qiladi?
Nikotin tamaki barglarida mavjud bo‘lib, tamaki mahsulotlariga tobelikni chaqiradi. Vaqti kelib asab tizimi nikotinga o‘rganib qoladi va chekuvchilarni sigaretlar sonini ko‘paytirishga majbur qiladi.
Nikotin yurakni tezroq urishga majbur qiladi, va bu qon tomirlarini torayishiga olib keladi, buning hisobiga qon oqishi pasayadi. Nikotin, shuningdek, qo‘l va oyoqlar uchlarida tana xaroratining pasayishini chaqiradi. Birinchi tortishdanoq sigaret yurakka zarar yetkazadi.
2.)Uglerod oksidi nima va u sog‘liqqa qanday ta’sir qiladi?
Uglerod oksidi – bu is gazi, zaharli birlashma bo‘lib, tutundan paydo bo‘ladi. Is gazi qizil tanachalarga birlashib, ular tashiydigan kislorodning o‘rnini egallab oladi va shu bilan yurak va organizmning boshqa qismlari uchun zarur bo‘lgan kislorod miqdorini kamaytiradi.
3.) Qurum nima va u organizmga qanday ta’sir qiladi?
Qurum – bu qora moddalar bo‘lib, chekish paytida tamakining yonishi natijasida paydo bo‘ladi. Qurum o‘pkada yig‘iladi va o‘tirib qoladi, bundan o‘pkalar organlarga kisloroda yetkazib berishi qiyinlashadi va shu bilan emfizema rivojlanishining xavfini oshiradi. Emfizema – bu o‘pkaning havo qopchalari buzilgan holatidir.
Chekish bilan bog‘liq bo‘lgan asosiy faktlar talqini
Chekish haqidagi faktlar talqinini quyidagi savollarni berish orqali aniqlaymiz:
1.Chekish sog‘liqqa qanday bevosita zarar yetkazishi mumkin?
Javoblarimiz quyidagilarni o‘z ichiga olishi kerak:

• 
  Nafas olish va mashqlar bajarishni qiyinlashtiradi
  
• 
  Tishlar va barmoqlarni sarg‘aytiradi
  
• 
  Kiyim va sochlarga yomon hid beradi
  
• 
  Nafas olishni og‘irlashtiradi
  
• 
  Yurak tez-tez uradi
  
• 
  Ko‘zlarni qamashtiradi
  

2.Yaxshi, uzoq muddatli kelajakda qanday muammolarni keltirib chiqaradi?
Javoblarimiz quyidagilarni o‘z ichiga olishi kerak:

• 
  Yurak-qon-tomir kasalliklari
  
• 
  O‘pka saratoni
  
• 
  Og‘iz bo‘shlig‘i saratoni
  
• 
  Surunkali bronxit
  
• 
  Qizilo‘ngach saratoni
  
• 
  Emfizema
  

Biz shuni bilib oldikki, chekishga juda tez o‘rganadilar. Hattoki, chekishni tashlash narkotik moddalarni tashlashdan ham ko‘ra qiyinroq bo‘lishi mumkin. Chekishni erta boshlagan odamlarga tashlash hammadan ham qiyin. Odam qanchalik yoshlikdan chekishni boshlasa, shuncha tashlashi qiyinroq kechadi.
Biz hammamiz, chekuvchilar va chekmaydiganlar ham, chekish keltiradigan xavf haqida bilishimiz kerak. Siz chekish haqida o‘ylayotgan paytingizda bugun bilib olganingiz – sog‘liqqa keltiradigan xavfni eslang. Sog‘lom hayot kechirish uchun faktlarni esda tuting, sigaret va boshqa tamaki mahsulotlarini chekishdan qoching.