6 Laboratoriya ishi Mavzu Atom-absorbsion spektrometr yordamida oqova suv tarkibidagi og’ir metallarni aniqlash

Namunalarni analiz qilish
Darajalash grafigini qurish va noma’lum namunalar uchun zarur bo’lgan ma’lumotlarni kompyuterga kiritgandan so’ng asbob namunalar partiyasini analiz qilish uchun tayyor bo’ldi. Birinchi qismda aytilgan amallarni bajarib alangani yoqing. Bir minut o’tgandan so’ng “Start batch” tugmani bosing, bu holda namunalar partiyasini analiz qilish boshlanadi. Avtosempler ishlatilganda namunalar partiyasi foydalanuvchining ishtirokisiz analiz qilinadi. Agar avtosempler bo’lmasa, har bir namunani alohida aspirasiya qilish kerak. Buning uchun tayyorlangan standart eritmalar, namunalar (eritmalar) partiyasi va blankni (erituvchini) o’lchami bir xil plastmass stakanlarga quying. Stakanlarni zondning oldiga qo’ying. “Start batch” tugmani bosing. Zondni blank quyilgan stakanga tushiring. O’lchash tugagandan so’ng zondni birinchi standartga o’tkazing. O’lchash tugagandan so’ng zondni ikkinchi standartga o’tkazing va hokazo standartlarni o’lchash tugagandan keyin zondni blankka o’tkazib “yuving”. Endi noma’lum eritmalarni o’lchashni boshlang. Har bir eritmaning optik zichligini o’lchagandan keyin zondni blankka o’tkazib uni yuving. Namunalar partiyasini o’lchash tugagandan keyin, 17-rasmdagi “Kiritishni to’xtatish” tugmasini bosing.
Namunalar kiritishni boshlash
Kiritishda tanaffus qilish
Kiritishni to’xtatish

17-rasm. Namunalar partiyasi kiritishni boshqarish tugmalari


Oynaning asboblar panelidagi tegishli tugmani bosish orqali xohlagan vaqtda namunalar kiritishni ma’lum muddatga to’xtatishingiz yoki tugatishingiz mumkin. Partiyadagi oxirgi namunani analiz qilish tugagandan so’ng o’lchash tugaganligi haqida ma’lumot paydo bo’ladi. O’lchash natijalarini saqlash uchun “File” menyudan “Save” imkoniyatni tanlang.