6-боб. Инновацион иқтисодиётда инсон омилини фаоллаштириш 1-мавзу. Инсон омилини фаоллаштиришнинг аҳамияти

2. Инновацион иқтисодиётда кадрлар тайёрлаш тизими.

2. Инновацион иқтисодиётда кадрлар тайёрлаш тизими.

Ходимларнинг ўз имконияти ва салоҳиятидан фойдаланиш даражасининг паст бўлиши, кўп жиҳатдан уларнинг меҳнатга иштиёқи ёки лаёқатининг йўқлигида эмас, балки фаолиятини тўғри ташкил эта олмаганлиги, уни яхшилаш учун қандай сифатлардан фойдаланиш зарурлиги ёки қайсидир сифатларни назардан четда қолдириб, имкониятларини бой бераётганлигини билмай қолишлигидадир. Шунинг учун меҳнат жамоаларида инсоний сифатлар самарадорлигини доимий равишда ошириб бориш борасида чора-тадбирлар амалга ошириш лозим.

Инсон омили турмуш тарзининг ривожланиш хусусияти ва йўналиши билан шаклланади. Уларни таҳлил қилиш орқали олдинда турган долзарб вазифаларни аниқлаб олиш ва ходимларнинг амалий фаоллигини оширишга эришиш мумкин.

Давлат Инновацион сиёсати ҳақида гапирганда доимо Инновацион иқтисодиёт учун кадрлар тайёрлаш ҳақида ёдда тутиш лозим. Агар иқтисодиётнинг анъанавий секторларида “кадрлар ҳамма нарсани ҳал қилади” қоидаси аксарият ҳолатларда тўғри бўлиб чиқса, иқтисодиётнинг кўп илм талаб қиладиган секторларида ушбу фикрнинг аҳамияти бир неча маротаба ортади.

Давлат Инновацион сиёсати ҳақида гапирганда доимо Инновацион иқтисодиёт учун кадрлар тайёрлаш ҳақида ёдда тутиш лозим. Агар иқтисодиётнинг анъанавий секторларида “кадрлар ҳамма нарсани ҳал қилади” қоидаси аксарият ҳолатларда тўғри бўлиб чиқса, иқтисодиётнинг кўп илм талаб қиладиган секторларида ушбу фикрнинг аҳамияти бир неча маротаба ортади.

Билимларга асосланган иқтисодиётда билим воситалари биринчи даражали, энг муҳим активлар ҳисобланади. Оқибатда этарли даражада билимларга эга бўлибгина қолмай, уларни амалиётда қўллай оладиган, билимлар эскириб бориши билан уларни узлуксиз янгилаб берадиган малакали мутахассислар тайёрлаш жуда муҳим аҳамият касб этади.

Мутахассислар тайёрлаш масалалари билан анъанавий равишда олий ўқув юртлари (ОЎЙ) шуғулланиб келади. Бироқ, сўнгги йилларда хориж тажрибасининг кўрсатишича, ОЎЙ бу масалани минтақавий ва федерал ҳукуматлар, шунингдек, йирик бизнес вакиллари кўмагида анча самаралироқ ҳал этишлари мумкин экан.