5A140 501-Kimyo (fan yo‘nalishlari bo‘yicha) mutaxassisligi Qodirova Gullolaxon Adhamovnaning yurak kasalliklarini davolashda ishlatiladigan dorivor o‘simliklar tarkibidagi kaliy va magniy miqdorini tadqiq qilish

B₁ vitamin (tiamin): asab va asab faoliyatini normallantiradi, mushak tizimlari, ovqat hazm qilish organlarining ishiga ta’sir qiladi, oshqozonning funktsiyasini oshiradi, oshqozonni evakuatsiya qilishni tezlashtiradi. Oziq-ovqatlarda tiamin yetishmasligi, charchoq, mushaklarning kuchsizligi, yurak ritmining buzilishi, ishtahaning yoʻqolishi, sovuqqa sezgirlikning oshishi, uglevod almashinuvining buzilishi, organizmda sut va pirouzum kislotalarning ortiqcha toʻplanishi sodir boʻladi. B₁ vitaminining asosiy manbalari: qobigʻi va murtak qismidan tozalanmagan don mahsulotlari: kepakli non, suli va arpa yormasi, mevalar, rezavorlar. Kundalik ehtiyoj: 1,5–2 mg.
B₂ vitamin (riboflavin): uglevod, oqsil va yogʻ almashinuvilarda ishtirok etadi. Kamchiligida kon’yunktivitlar, yorugʻlikdan qoʻrqish, anemiya paydo boʻladi, toʻqimalarni qayta tiklash jarayonlari buziladi. Dudoqlar yorilib, stomatit va glossit paydo boʻladi. Bolalar oʻsishda orqada qoladilar, asab tizimi va jigarda oʻzgarishlar boshlanadi. Dukkaklilar, donlar, mevalar, rezavorlar tarkibida uchraydi. Kundalik ehtiyoj: 2,5 g.
B₆ vitamin (piridoksin): fermentlar sintezida ishtirok etadi, yogʻ kislotalari metabolizmi, asab tizimining faoliyatini tartibga soladi, jigarga yogʻ infiltratsiyasini oldini oladi, oshqozon bezlarining kislota hosil qiluvchi funktsiyasiga ta’sir qiladi. Terapevtik ovqatlanish dietasida yetarli miqdordagi vitamin Botkin kasalligi, gipoxromik anemiya va homiladorlik toksikozi bilan organizmga foydali ta’sir koʻrsatadi. Ushbu vitamin koʻproq hayvon mahsulotlarida, shuningdek loviya, noʻxat, yeryongʻoq, karamda mavjud. Kundalik ehtiyoj 2-3 mg ni tashkil qiladi.