5A112101-Ta’lim va tarbiya nazariyasi va metodikasi (texnologik ta’lim) mutaxassisligi 2-bosqich magistri Xazratova Shahodat Xikmatovnaning steam va smart ta’lim texnologiyalari

5-qadam: Shaxsiy ish yoki qo‘shimcha hamkorlik orqali auditoriyadan tashqarida faol o‘qishni kengaytirish usullarini rejalashtiramiz. «Flipped classroom» modeli talabalarining yangi bilimlari va ko‘nikmalari qanday qilib kengroq kursni loyihalashda rol o‘ynashi mumkinligini o‘ylab ko‘ramiz. Ular keyingi darslarda yangi tushunchalarga tayanadimi, kattaroq loyihaning elementlari ustida ishlayaptimi va hokazo? Bu savollar ayniqsa muhimdir, chunki talabalar faqat bitta ma’ruza mashg‘ulotlarim o‘zlashtirgan deb o‘ylash mumkin, bu kamdan-kam hollarda barcha o‘quv natijalariga erishish uchun yetarli.
Talabalarga yangi bilimlarini berishda yordam uchun quyidagi variantlardan birini yoki bir nechtasini ko‘rib chiqamiz: mashg‘ulotning boshlanish vaqtida bahs-munozarani davom ettirish uchun onlayn- forumlarni (forum, ijtimoiy tarmoqlar va hakozo.) qo‘llash; talabalar amaliy ishlarni mustaqil ravishda bajara olishlari uchun qo‘shimcha baholash yoki vazifalarni belgilash lozim. Shunday qo‘shimcha ishlarni Moodle LMS tizimi yordamida bajarish maqsadga muvofiqdir, chunki unda qayta aloqa tizimi mavjud; talabalardan turli vaziyatlarda yoki holatlarda yangi bilim va ko‘nikmalarni talab qiluvchi kichik topshiriqlarni yaratish; talabalar auditoriyada yoki hamkorlikda qo‘shimcha topshiriqlarni bajarishini davom ettirishi uchun o‘qitishning norasmiy guruhlarini kengroq shakllantirish; auditoriyada o‘quv imkoniyatlarini kengaytirishda, talabalarning bahs-munozaralari yoki mashg‘ulotlarini davom ettirishlari uchun hamkorlikda personal o‘quv bilimlarni qayta ishlash.
Integrativ elektron o‘quv qo‘llanmasining “O‘quv metodik ta’minot” bo‘limidagi ma’ruza mashg‘ulotlarining tarkibiy qismi quyidagilardan iborat: Mavzu darajalari - murakkabligiga qarab ajratilgan o‘quv materiali. Mavzu sahifalari - o‘quv materialining mantiqiy mustaqil qismi bo‘lib, mavzu tarkibiga kiradi. Sahifalar o‘quv materialining mantiqiy ketma-ketligini amalga oshirish uchun mo‘ljallangan mediaresurslardan tashkil topgan. Mediaresurslar (multimedia materiallari) - bular tizimdagi matnlarni ko‘rgazmali tarzda namoyish etish hamda ta’limni to‘liqligini ta’minlash uchun joylashtirilgan matn, rasmlar, ovozli fayllar, videolar, taqdimotlar, nazorat-tahlil, test va hakozolarni bir butun qilib yig‘ilgan, didaktik maqsadga yo‘naltirilgan ta’lim materialidir.
Har bir ma’ruza mashg‘ulot uchun ochilgan ushbu oynadagi maxsus tugmalar yordamida quyidagi vazifalar bajariladi:

• 
  “Ma’ruza” tugmasi bosilganda mavzuning nazariy ma’lumotlari ochiladi;
  
• 
  “Taqdimot” tugmasi bosilganda mavzuga doir taqdimot ochiladi;
  
• 
  “Video” tugmasi bosilganda mavzuga doir mediama’lumotlar va amaliy ko‘rsatmalar video fayli ochiladi;
  
• 
  “Glossariy” tugmasi bosilganda mavzuga doir glossariy .swf formatda ochiladi;
  
• 
  “Smart Kahoot” tugmasi viktorina, test va so‘rovnomalarni yaratishga mo‘ljallangan yangi turdagi dasturiy servis nazorat vositasini ishga tushiradi;
  
• 
  “Krossvord” tugmasi bosilganda krossvord ochiladi;
  
• 
  “Test” tugmasi bosilganda quyidagi oyna ochiladi.
  

Biz quyida, «Texnologik ta’lim » fanidan “4-Modul. Fizik daraja. 4.2-Mavzu: Kompyuter tarmoqlarining texnik ta’minoti. Zamonaviy tarmoq qurilmalar” bo‘yicha tayyorlangan texnologik xaritani va SMART-texnologiyalarga asoslangan integratsiyalashgan o‘quv muhitidan foydalanish metodikasini loyihalaymiz. Ma’ruza o‘quv mashg‘ulotining texnologik pasporti va mavzusini “Flipped classroom” modeli yordamida o‘qitishning texnologik xaritasini tuzib chiqamiz.