5. Психологик билимларнинг системаси

59.Диккатнинг баркарорлиги. Barqarorlik-diqqatning zamon ichidagi ta’rifidir. U jadal diqqatni saqlab turish davomiyligi bilan belgilanadi. Faoliyatning nisbatan uzoq vaqt mobaynida yuksak unumliligi barqarorlik ko’rsatgichi xisoblanadi. Shunday qilib, diqqatning barqarorligi uning davomiyligi bilan xam, u yuz bergan butun vaqt mobaynida qaratilganligi darajasi bilan ham belgilanadi. Diqqatning barqarorligi diqqat qaratiladigan obektlarning xususiyatlariga va diqqati yo’naltirilgan shaxsning faolligiga bog’liq bo’ladi. Diqqat jalb qilinadigan obektlarning o’zgaruvchanligi, xarakatchanligi diqqatni uzoq vaqt mobaynida jalb etishning muhum shartlaridir. Agar obektning o’zi o’zgarmaydigan bo’lsa va agar uni turli jihatdan o’rganib bo’lmasa, u holda bunday obektlarga uzoq vaqt mobaynida diqqatni jalb qilib turish o’ta mushkuldir. Barcha bir xillik diqqatni susaytirib qo’yadi. Diqqatning barqarorligini saqlashyda shaxsning faolligi kata axamiyatga egadir. Faollik obektlar bilan yuz beradigan tashqi ifodaga ega bo’lgan amaliy xarakatlarda namoyon bo’lishi mumkin.Diqqat jalb etadigan obektlarning ancha to’laroq aks ettirilishini taqazo qiladigan.turli xildagi perseptiv va tafakkurga oid vazifalarni xal etish bilan bog’liq ichki faollik ham muhum ro’l o’ynaydi.