5-mavzu: Turistik marshrutlarni ishlab chiqishni usullari va tamoyillari. Reja

5-mavzu: Turistik marshrutlarni ishlab chiqishni usullari va tamoyillari.
Reja:
1. Marshrutlar, yo‘llar, so‘qmoqlar va turizm marshruti haqida tushuncha.
2. Turistik marshrutning kelib chiqishi va uning turlari
3. Turistik marshrutlarda xizmat ko‘rsatish.


1. Marshrutlar, yo‘llar, so‘qmoqlar va turizm marshruti haqida tushuncha.
Inson ko‘rib, eshitib yurgan har qanday mo‘jizaviy, qiziqarli inshootlar, tabiatning so‘lim go‘shalari, qadimdan saqlanib kelayotgan obidalar, daryolar, sharsharalar, hayvonat yoki turli – tuman o‘simliklar o‘sadigan joylar, tomosha bog‘larining hammasiga ma’lum bir yo‘ldan boriladi. Bu yo‘l turizmda «marshrut» deyiladi.
O‘zbekistonda turizm sohasini rivojlantirish davlat miqyosida, rahbarligida olib borilayotgan barcha chora-tadbirlarining birinchi navbatda amalga oshirilishi zarur bo‘lgani – turistik marshrutlar ishlab chiqishdir.
Turistik resurs, ob’ekt - (qo‘riqxona, tarixiy, madaniy obida, arxeologiya va hokazolar)ga turist har taraflama o‘ng‘aylikda boradigan va mazmunli dam olish, qoniqish olgandan keyin, asta – sekinlik bilan turistlar oqimini o‘ziga jalb qila boshlaydi.
Respublikamizdagi barcha turistik resursga, ob’ektga, manzil-u makonga, maskanga yo‘l bor. Bu yo‘llar asfaltli, toshli, mahalliy tuproq yo‘llari, so‘qmoqlar va hakozo ko‘rinishlardadir. Bu holat inkor qilinmaydi. Lekin, bu yo‘llarni turistik marshrutga aylantirilgandan keyingina turistik resursda turistlar soni ko‘payishi mumkin. Turistik resursga hozirgi yo‘llar bilan ham turistlar olib boriladi. Lekin bu yo‘lda turistning erkin harakatlanishi, u xoxlagan vaqtda to‘xtashi, qiziqib qolgan yo‘lbo‘yi «ob’ektlar»ga ekskursiyaga chiqishni talab qilishi, yoki choy ichib dam olishni xoxlashi mumkin.
Turistik marshrut qayd qilingan, kutilmagan «takliflar»ning bajarilishi yoki «xizmatlar» majmuasi a’lo darajada kafolatlanishi uchun ham turistik marshrutlar deyiladi. Turistlarning barcha ehtiyojlarini, talablarni bajarishda foydalanadigan yo‘llar turistik marshrutlar yoki turistik yo‘llar deyiladi.