5. Mavzu: Strategik tovarlarla savdosini tartibga solish

Tovarga monopol yuqori narxni aniqlash.
a) tovarga oldin belgilangan narxni oshirish yoʼli bilan, agar bunda jamlangan holda:
tovarni ishlab chiqarish va sotish uchun zarur boʼlgan xarajatlar oʼzgarishsiz qolishi yoki ularning oʼzgarishi tovarning narxi oʼzgarishiga muvofiq emasligi;
tovarni sotuvchilar yoki xaridorlar tarkibi oʼzgarishsiz qolishi yoxud tovarlarning sotuvchilari yoki xaridorlari tarkibi oʼzgarishi sezilarli emasligi;
tovarning tovar bozorida, shu jumladan, davlat tomonidan tartibga solish, shu jumladan, soliq solish, tarif bilan tartibga solish choralari bilan belgilanadigan aylanishi shartlari oʼzgarishsiz qolishi yoki ularning oʼzgarishi tovarning narxi darajasi oʼzgarishiga muvofiq emasligi;
tovarga talab va (yoki) taklif oʼzgarishsiz qolishi yoki ularning oʼzgarishi tovarning narxi oʼzgarishiga mutanosib emasligi shartlari bajarilsa;
b) tovarning oldin belgilangan narxini saqlab qolish yoki pasaytirmaslik yoʼli bilan, agar bunda jamlangan holda:
tovarni ishlab chiqarish va sotish uchun zarur boʼlgan xarajatlar jiddiy ravishda pasayishi;
tovarning sotuvchilari yoki xaridorlari tarkibi tovarning narxini kamaytirish tomonga oʼzgartirish imkoniyatini aniqlashi;
tovarning tovar bozorida, shu jumladan, davlat tomonidan tartibga solish, shu jumladan, soliq solish, tarif bilan tartibga solish choralari bilan belgilanadigan aylanishi shartlari tovarning narxi kamayish tomonga oʼzgarishi imkoniyatini taʼminlashi;
tovar boʼyicha talab va (yoki) taklifning oʼzgarishi tovar narxining kamayish tomonga oʼzgarishini belgilaydigan shartlar bajarilsa, subʼekt tomonidan bunday tovarni ishlab chiqarish va sotish uchun zarur boʼlgan xarajatlar va foydaning tovar bozorida raqobat sharoitlarida shakllangan narxdan oshadigan summasi belgilanishi holati hisobga olinadi.