5-mavzu. Ota-ona hamda voyaga yetmagan bolalarning shaxsiy nomulkiy huquq va majburiyatlari. Reja

Huquqiy axborot
# Bilasizmi

Fuqarolik holati dalolatnomalarini qayd etish organi ota-onaning birgalikdagi arizasiga binoan bola 16 yoshga to’lguncha bola manfaatlarini e’tiborga olib, uning ismini o’zgartirishga, shuningdek, unga berilgan familiyani ham otasi yoki onasining familiyasiga qarab o’zgartirishga haqlidir. Agar ota-ona alohida yashasa va bola bilan birga yashovchi ota (ona) bolaga o’z familiyasini berishni xohlasa, vasiylik va homiylik organi bu masalani bolaning manfaatlarini va ota (ona)ning fikrini hisobga olgan holda hal qiladi. Ota-onaning turgan joyini aniqlash imkoni bo’lmaganda, ular ota-onalik huquqidan mahrum qilinganda, muomalaga layoqatsiz deb topilganda, shuningdek, ota yoki ona bolaga ta’minot berish va uni tarbiyalash majburiyatlarini bajarishdan uzrsiz sabablarga ko’ra bo’yin tovlagan hollarda ota yoki onaning fikrini inobatga olish shart emas. Shuningdek, o’zaro nikohda bo’lmagan shaxslardan tug’ilgan voyaga yetmagan bolalarning familiyasini onaning murojaat qilgan paytdagi familiyasiga almashtirish to’g’risidagi talabini vasiylik va homiylik organi bolaning manfaatini hisobga olgan holda hal qilinadi.
Ammo qayd etilmagan nikoh munosabatlaridan tug’ilgan bolaning otaligi qonunda belgilangan tartibda aniqlanib, tegishlicha rasmiylashtirilgan bo’lsa, bolaning familiyasini o’zgartirish uchun otaning roziligini talab qilish lozim. 10 yoshga to’lgan voyaga yetmagan bolaning ismi yoki familiyasini o’zgartirish uchun, albatta, bolaning roziligi bo’lishi kerak. Chunki 10 yoshdan boshlab bolada ma’lum darajada mustaqil fikrlash xislatlari, aql-idroklar paydo bo’ladi, bola o’z ism va familiyasini e’zozlash qobilyatiga ega bo’ladi.


Huquqiy axborot. ( 2018 yilda tug’ilgan bolalarga eng ko’p qo’yilgan ism qanday?)