5-Mavzu: Moliya-xo’jalik faoliyatini amalga oshirmayotgan tadbirkorlik sub’yektlarini davlat reestridan chiqarish tartibi to’g’risida reja

4. Moliya-xo’jalik faoliyatini amalga oshirmayotgan tijorat tashkilotlarini davlat reestridan chiqarish

Tijorat tashkilotlari harakatsiz holatida saqlanishiga uch yil to’lganda ro’yxatdan o’tkazuvchi organ:

harakatsiz holatiga o’tkazilgan tijorat tashkilotlari faoliyati tiklanmagan taqdirda, qonun hujjatlarida belgilangan tartibda uch ish kunida davlat reestridan chiqarish to’g’risida qaror qabul qiladi va bu haqida davlat reestriga tegishli yozuv kiritadi;

tijorat tashkilotining muhri, shtamplarini (agar mavjud bo’lsa), davlat ro’yxatidan o’tkazilganligi to’g’risidagi guvohnomani, shuningdek, mavjud bo’lsa tovar belgisining ro’yxatdan o’tkazilganligi to’g’risidagi guvohnomani bekor qiladi. Agar ularni topish imkoni mavjud bo’lmasa, uch ish kunida bekor qilinishi to’g’risidagi ma’lumotlar ro’yxatga olish organi saytida e’lon beriladi.

Davlat reestriga tugatish haqida yozib qo’yilgandan so’ng tijorat tashkilotini tugatish yakunlangan, tijorat tashkiloti esa mavjud emas deb hisoblanadi.

Davlat reestridan chiqarilgan tijorat tashkilotining bank hisobvaraqlaridagi mablag’lar tijorat banklari tomonidan besh ish kunida tijorat tashkilotlarining pul mablag’larini milliy va xorijiy valyutadagi yagona hisobvaraqlarida jamlaydi va hisobvaraq ochilgan bank joylashgan tuman (shahar) mahalliy byudjetiga tegishli tijorat banki tomonidan o’tkaziladi.

Harakatsiz holatda turgan tijorat tashkiloti davlat reestridan chiqarilgandan so’ng uning soliq va boshqa majburiy to’lovlar bo’yicha ortiqcha to’langan summalari mahalliy byudjetlarning daromadi hisoblanadi.

Nazorat uchun savollar:

1. 
   Moliya-xo’jalik faoliyatini amalga oshirmayotgan tadbirkorlik sub’yektlarini davlat reestridan chiqarish tartibi to’g’risida umumiy qoidalar to’g’risida nimalar bilasiz?
   
2. 
   Moliya-xo’jalik faoliyatini amalga oshirmayotgan tijorat tashkilotlarini harakatsiz holatga o’tkazish tartibi qanday?
   
3. 
   Moliya-xo’jalik faoliyatini amalga oshirmayotgan tijorat tashkilotlarini davlat reestridan chiqarish tartibini sanag?
   
4. 
   Moliya-xo’jalik faoliyati deganda nimani tushunasiz?
   
5. 
   Qachon tijorat tashkiloti esa mavjud emas deb hisoblanadi?