5-мавзу: Баскетбол ўйин қоидаларини ўргатиш режа: Ўйин техникаси асослари ва таснифи

Якка ҳаракатлар 
Тўпли ёки тўпсиз ҳужумчига қарши ҳаракатлар турлича, гарчанд, иккала ҳолда ҳам 
рақибнинг кузатиш ва у билан фаол курашиш керак. 
Тўпсиз ҳужумчига қарши ҳаракатлар. Тўпсиз ҳужумчини таъқиб қилганда, 
ҳимоячи: 
а) ҳужумчига саватга ҳужум қилиш учун қулай позисияга чиқиб ишга ёки шу 
позисияда тўпни қабул қилиб олишга йўл қўймаслик; 
б) рақиб ҳужумчиси ёки лидерига йўналтирилган тўпни олиб қўйиш; 
в) рақибнинг ўзаро ҳаракат қилиш учун силжишларга, айниқса майдоннинг 
ўртасидан шчит томонга кескин қўйиладиган блокировкага эътибор берган ҳолда қаршилик 
кўрсатиш керак.
Ҳимоячи ўзи таъқиб қилаётган ҳужумчилар ва ўзининг савати остида шундай 
жойлашиши керакки, бунда у ҳужумчини ҳам, тўпни ҳам кўриши лозим. Ҳимоячининг 
ҳужумчига нисбатан ҳолати ва улар орасидаги масофа ҳар қандай аниқ вазиятга рақибнинг 
тезлиги, бўйи ва оғирлиги ҳисобга олинган ҳолда аниқланиши керак. Рақибнинг марказий 
ўйинчисини таъқиб қилаётган ҳимоячи, у билан қулай позисия ва тўпни олиш учун 
курашиши керак. Марказий ўйинчига тўпни шчитдан узоқлашиб, у қўшимча ҳаракат қилган 
ҳолдагина тўпни эгаллашига йўл қўйиш мумкин. Агар у шчитнинг яқинида бўлса, ҳимоячи 
унинг олдида тўпни узатишига ҳалақит бериш учун туради. 

---

Тўпли ҳужумчига қарши ҳаракатлар. Тўпли ҳужумчига қарши курашда ҳимоячи: 
а) рақибга тўпни саватга аниқ отишда йўл қўймаслик; 
б) рақибнинг шчит томонга ўтишига (айниқса кучли, одатда, ўнг томондан); 
в) тўпни хавфли йўналишда узатилишига (айниқса, жамоа лидери ёки марказий 
ўйинчисига, аниқ отувчи (снайперга) мерганга ҳалақит бериш); 
г) тўпни эгаллаб олишга йўл қўймаслик; 
д) рақибнинг олдиндан тайёрланган ўзаро ҳаракатланишига ёки комбинатсияларига 
ўтказиш учун қилаётган ҳаракатларга ҳалақит беришишга эришиш учун ҳаракат қилиши 
керак. 
Ўзининг рақибини таъқиб қилаётган вақтда майдондаги умумий вазиятни ҳам 
кузатиб туриши шарт. Бу эса ўзгариб бораётган ҳолатни ўз вақтида баҳолаш ва ўз 
шериклари билан муваффақиятли ўзаро ҳаракат қилиш имконини беради.