5-маъруза. Термик тахлил. Термографик тахлил усули. Термография усулининг физик асослари

Термография усули табиати.

• Термография ноорганик моддалар, силикат ва қийин эрийдиган нометалл материалларни қиздириш жараёнида содир бўладиган жараёнларни ўргатади. Улар одатда иссиқлик эффектлари билан боғлиқ.

Термография усулининг турлари жуда кўп. Энг асосийлари қаторига киради:

• 1. Термик анализ;
• 2. Дифференциал термик анализ (ДТА);
• 3. Комплекс термик анализ;
• 4. Дериватография;
• 5. Тензиметрия;
• 6. Газоволюметрия;
• 7. Дилатометрия.
• Биринчи марта қиздириш эгриликлари француз олими Ле-Шателье томонидан 1887 йилда олинган, у температурани платина - платина-родийли тер-мопараларда ўлчаш орқали термографик эгри чизиқларни ҳосил қилиш мумкинлигини кўрсатди.
• Узоқ йиллар давомида тадқиқотчилар қиздириш эгрилигини вақт ва температура боғлиқлигини координата чизиғида қайд этганлар. Бироқ кичик эффектларни бу эгриликларда топиш қийин.
• 1899 йилда Робертс-Остин дифференциал термопара қўллади, бу термопаралар кичик миқдордаги иссиқликга сезувчандир.

Эталон ва намунанинг харорати ўзгаришининг эгриликлари – Дифференциал эгрилар

1904 йилда француз мухандиси Саладин Ле-Шателье билан биргаликда координатада термик эгриликларни олувчи аппарат яратдилар. Аппаратга қуйидаги икки фактор асос қилиб олинди:
1) Эталон ва намуна температураси фарқи;
2) Эталонни температураси. Эталон сифатида ўрганилаётган хароратларда ўзгармайдиган моддалар қўлланилади (масалан ,1000 оСда куйдирилган Al2O3 ёки MgO)
Бу усулни янада ривожлантиришга рус олимлари харакат қилдилар. Россияда термик тахлил асосчиси Н.С. Курнаков бўлиб, у 1904 йилда ҳозирги кунда хам қўлланилаётган пирометрни яратди.

• Термография деганда текширилаётган модданинг ихтиёрий нуқтасидаги хароратни (ёки хароратдаги бирор функцияни) аниқ программа бўйича моддани узлуксиз равишда қиздирилганда ёки совитилгандаги холатини қайд этиш тушунилади.
• Усулнинг физик мохияти: физик ва кимёвий жарёнларнинг катта қисми иссиқликни ажралиши ёки ютилиши билн боради. Баъзи бир жараёнлар тўғри ва қайтар йўналишида, баъзилари эса фақат бир йўналишда содир бўлади.
• Қайтар жараёнларга киритиш мумкин: эриш-кристалланиш, қайнаш-конденсация, полиморф ўзгаришлар, мураккаб бирикмалалрнинг хосил бўлиши ва парчаланиши, диссоциация.
• Қайтмас жараёнларга киритиш мумкин: кам барқорор холатдан юқори барқарор холатга ўтиш реакциялари, қаттиқ эритмаларнинг парчаланиши, аморф холатдан кристалл холатга ўтиш, ўзаро таъсир реакциялари, монотроп ўзгариш ва бошқалар.
• Ҳамма жараёнлар иссиқликни ютилиши ёки ажралиши билан боради, буни хароратни ўлчаш йўли билан ўрганиш мумкин. Жараённи боришини ўлчовчи приборлар ёрдамида қайд этилади. Тажриба натижаларини эгри чизиқлар орқали ифодалаш мумкин, бунда вақт ва хароратни боғлиқлиги ифодаланади. Агар текширилаётган моддада бирорта фазовий ўзгариш ёки кимёвий реакция содир бўлса, қиздириш режими бузилади. Унинг бузилиши қиздириш эгрикларида ёки майдонда пайдо бўлиш бирга боради.