5-маъруза. Спортчининг жисмоний техник ва тактик тайёргарлиги

5-МАЪРУЗА. СПОРТЧИНИНГ ЖИСМОНИЙ ТЕХНИК ВА ТАКТИК ТАЙЁРГАРЛИГИ.

Тузувчи: Ў.Ш.Салимов

РЕЖА: 1. Спортчининг умумий ва махсус жисмоний тайёргарлиги. 2. Тренировка жараёнида спортчининг техник, тактик маҳорати­ни ошириш 3. Техник тайёргарлик. 4. Спортчини техник тайёрлашни вазифалари, босқичлари ва асосий услубияти. 5. Спорт тактикаси. 6. Спорт машғулотларида психологик тайёргарлик. 7. Ирода тайёргарлиги.

Спортчининг умумий ва махсус жисмоний тайёргарлиги. Ҳозирги кун спортчиларини тайёрлаш спортчининг жисмоний сифатларини ривожлантириш – жисмоний тайёргарлиги, танланган спорт тури бўйича техник ва тактик тайёргарликларини ҳамда уларга оид назарий билимларининг даражасини тўхтовсиз кенгайтириш, маънавияти, руҳий сифатларини тарбиялашни доимий назоратда тутиш талабини қўяди. Спортчини фақат юқори натижага ҳар қанадай йўл билан эришишга ундаш, тайёрлашнинг оқибати салбий хотима билан тугаши ўзининг исботига эга.

умумий (УЖТ) тайёргарлик
Спорт тренировкаси машғулотлари икки йўналишни мавжуд
махсус жисмоний тайёргарлик (МЖТ)
Умумий жисмоний тайёргарлик (УЖТ) жараёни органларимиз, тузилмаларимизнинг функцияларни ривож-лантириш билан спорт ихтисослиги учун лозим бўлган мавжуд шарт-шароитлар юзага келтиради, тайёргарлик жараёни ҳажмини кенгайтиради, шунингдек, спортчини турли хил ҳаракат, кўникма ва малакалари заҳирарсини ва уларнинг орасидаги ўзаро муносабатларини бойитади.
Махсус тайёргарлик эса, муайян спорт тури учун хос бўлган сифат ва қобилиятларни ривожлантиришни таъминлайди, шунингдек, айнан шу спорт турига хос техник ва тактик билим ва амалий малакалар билан қуроллантиради.
Умумий жисмоний тайёргарликни ҳам, махсус жисмоний тайёргарликни ҳам, машғулот жараёнидан чиқариб ташлаб ёки бирини иккинчиси билан алмаштириб бўлмайди. Чунки умумий ва махсус тайёргарлик орасида ўзаро узвий боғлиқлик мавжуд. Уларнинг ўртасидан чегара ўтказиш мумкин эмас. Айрим мутахассислар шунга таяниб, спорт тренировкасининг бу жиҳатларини ажратмасликни таклиф қиладилар. Бизнинг фикримизча эса умумий ва махсус тайёргарлик ўзининг хусу сий функциялари, воситалари, усуллари ва шунингдек, машғу лот жараёнлари билан бирмунча бир биридан фарқ қилади.