5-ma’ruza: portlandsement turlari

5.3-rasm. Pol elementlarini to‘shash sxemasi.

Burama mixlar qadami 30 sm dan oshmasligi kerak. Uzunligi 19 mm li burama mixlar qo‘llaniladi, 1 m² ga burama mixlar sarfi 15 dona. Qirralarni elimlash uchun maxsus elim yoki PVA elimi qo‘llaniladi.

Pol qoplamasi linoleum, kovrolin va boshqa shu kabi to‘shamalardan qilinadigan bo‘lsa pol elementlarining choklari “KNAUF-Fugenfyuller GV” shpaklyovkasi yordamida yopiladi, shchitli va donali parket, sopol plitalar bo‘lsa shpaklyovka qilinmaydi. Shpaklyovka qilingan joylar quriganidan so‘ng silliqlanadi va gruntlanadi.
Namga chidamli gipstolali qoplamalardan qilingan yig‘ma asoslarning ustunliklari:
– ishlarning bajarilish muddatlarini qisqartirib, mehnattalabligini kamaytiradi;
– yuk ko‘tarib turuvchi konstruksiyalarga tushadigan yukni kamaytiradi;
– polning issiqlik va tovush o‘tkazmaslik parametrlarini oshiradi;
– elektr va kam quvvatli simlarni o‘tkazish uchun quvurlar qo‘yishni oson-lashtiradi;
– yong‘indan himoya qilish talablariga javob beradi;
– pol qoplamalari uchun asosning yuqori tayyorgarligini ta’minlaydi;
– xonalarda me’yoriy harorat-namlik holatini saqlash imkonini yaratadi.
Binodan foydalanish davrida xonalar ta’mirlanishi va boshqa foydalanish yo‘nalishiga o‘zgartirilishi, shu bilan birga pol qoplamasi ham o‘zgartirilishi mumkin. Qoplamani o‘zgartirish katta mehnat sarfini talab qilmaydi. Pol asosini almashtirish nisbatan murakkab hisoblanadi. Shu sababli, qoplamani almashtirish oson bo‘lishi uchun asos yuzasi tekis va qattiq bo‘lishi, tekislovchi qatlam cho‘kmaydigan, issiq va tovushdan himoyalaydigan xususiyatlarga ega bo‘lishi kerak. Bu aytib o‘tilgan xususiyatlarning barchasi yig‘ma asoslarni o‘zida jamlagan (5.4-rasm).

5.4-rasm. Yog‘och asosli pol konstruksiyasi.

Yig‘ma asoslarni qurishda lazerli yoki suvli sath o‘lchagich, uzunligi 3 m bo‘lgan alyuminli sath o‘lchagich, uzunligi 2,5 m li alyuminli tekislagich, elektr shurup buragich, shpatellardan foydalaniladi (5.5, 5.6-rasmlar).

5.5-rasm. Yig‘ma pol asosini qurish va tutashtirish jarayonlari.

5.6-rasm. Yig‘ma pol asoslari elementlarini joylashtirish.