5-ma’ruza: portlandsement turlari

Pollarning yig‘ma asoslari
Qurilish maydonida pollarning asoslarini sement-qum qorishmasi va keramzit shag‘alidan tayyorlash doimo mehnattalab va “ho‘l” jarayonlar bilan kechadigan ish bo‘lgan. Bunda sement qorishmasi uzoq qurishiga (4 hafta), xonalarni tez-tez shamollatib turishga to‘g‘ri keladi.
Pol asoslarini yig‘ma qilish muqobil usul bo‘lib, ishlar sifatli qilib, “quruq” holda bajariladi, mehnat sarfi sezilarli darajada kamaytirilib, qavatlararo yopmalarga tushadigan yuk engillatiladi. Pollarning yig‘ma asoslari qoplama uchun tekis yuza hosil qilish bilan birga polning issiqlik va tovush o‘tkazmaslik parametrlarini oshiradi.
Bunday asoslar yangi qurilishda, turar joy va jamoat binolari, sanoat binolarining yordamchi xonalarini ta’mirlashda qo‘llanilishi mumkin.
Xozirgi kunda quruvchi va loyihachilar orasida turar joy binolarini pardozlashda tekislovchi quruq sepma va gipstolali qoplamalardan iborat konstruksiya keng ommalashmoqda.
Sepma qatlam asosiy vazifani uzoq foydalanish davrida o‘z xususiyatlarini saqlab, cho‘kmaydigan tekislovchi qatlam hosil qilishi kerak. Sepma qatlam sifatida keramzit, kvars qumi va b. ishlatilishi mumkin.
Oxirgi vaqtlarda pol asoslari ostiga maqbul echim sifatida quruq keramzit sepmasi (zarralarining fraksiyasi – 1 dan 5 mm gacha) va KNAUF superpol yig‘ma asoslari konstruksiyasi foydalanilmoqda (5.1-rasm).

5.1-rasm.
KNAUF superpol yig‘ma elementlardan tayyorlanadi. Yig‘ma asos zavod sharoitlarida o‘lchami 1500x500x10 mm teng bo‘lgan ikkita gipstolali, namga chidamli qoplamadan elimlab hosil qilinadi. Qoplamalar bir-biriga perpendikulyar yo‘nalishda 50 mm siljitib, tayanch qirra hosil qilib elimlanadi. Tayanch qirralari bilan o‘lchaganda pol elementining o‘lchami 1550x550x20 mm ni tashkil etadi. Hozirgi kunda pol elementlari faqat namga chidamli gipstolali qoplamalardan ishlab chiqarilmoqda. Bunday pol elementlari arra bilan oson qirqiladi, tashish uchun qulay. Har qanday pol qoplamasi uchun (linoleum, parket, sopol plita va h. k.) asos bo‘lib hizmat qiladi.