5-маъруза. Жадвал редакторлардан иқтисодий масалаларни ечиш жараёнида фойдаланиш

Сатр ва устунлар устида амаллар бажариш
Устуннинг эни символлар билан ўлчанади. Масалан 9 кенглик битта ячейкага 9 тагача символ киритиш мумкинлигини билдиради. Устуннинг эни 0 дан 255 тагача символдан иборат бўлиши мумкин. Сатрнинг баландлиги пунктларда (0 дан 409 гача) ўлчанади. Амалда устун эни ва сатрнинг баландлигини ўзгартиришга тўғри келади. Одатда, асосан устуннинг энини ўзгартиришга тўғри келади.
Устуннинг энини ўзгартириш учун ФорматСтолбeцШирина буйруқлари танланади ва экранда пайдо бўлган қуйидаги сўровга устун эни (сонларда) киритилади ва ОК тугмачаси босилади. Одатда, жадвал устунининг эни стандарт ҳолатда 8,43 ўлчамда бўлади. Фойдаланувчи бу соннинг ўрнига керакли ўлчамни ўрнатиши мумкин. Масалан, 8,43 сонининг ўрнига 15,25 сонини киритиши мумкин. У ҳолда, жадвалнинг курсор турган устунининг эни ўзгаради.

Сатрнинг баландлигини ўзгартириш учун ФорматСтрокаВысота буйруқлари танланади ва экранда пайдо бўлган сўровга сатр баландлиги (сонларда) киритилади ва ОК тугмачаси босилади. Одатда жадвал сатрининг баландлиги стандарт ҳолатда 12,75 ўлчамда бўлади. Фойдаланувчи бу соннинг ўрнига керакли ўлчамни ўрнатиши мумкин. Масалан, 12,75 сонининг ўрнига 18,50 сонини киритиши мумкин. У ҳолда жадвалнинг курсор турган сатрининг баландлиги ўзгаради.