5-маьруза полимер материалларнинг асосий хоссалари. Пластмассалар. Уларнинг компонентлари ва хоссалари. Термик деструкция. Термопластлар. Реактопластлар. Турлари, структураси, асосий хоссалари

5-маьруза

ПОЛИМЕР МАТЕРИАЛЛАРНИНГ АСОСИЙ ХОССАЛАРИ. ПЛАСТМАССАЛАР. УЛАРНИНГ КОМПОНЕНТЛАРИ ВА ХОССАЛАРИ. ТЕРМИК ДЕСТРУКЦИЯ. ТЕРМОПЛАСТЛАР. РЕАКТОПЛАСТЛАР. ТУРЛАРИ, СТРУКТУРАСИ, АСОСИЙ ХОССАЛАРИ.

Режа:

1. 
   Умумий маълумотлар.
   
2. 
   Пластмассаларнинг таркиби ва хоссалари
   
3. 
   Полимер боғловчи моддалар
   

1. Умумий маълумотлар
Пластмасса юқори молекулали бирикма –полимер боғловчилар, кукун тўлдиргич ва бошқа ташкил этувчилардан иборат, қотгач пластиклигини тўла ёки қисман йўқотадиган композицион материалдир. Юқори молекулали моддалар бир неча минглаб, ҳатто юз минглаб атомлардан иборат бўлиб, кўп марта такрорланадиган муайян структуралардан тузилган. Битта макромолекуладаги структура бирлиги сони полимернинг полимерланиш даражаси дейилади. Кам молекулали бирикмалар молекуляр массаси 500 кам бўлади.
Келиб чиқишига нисбатан полимерлар табиий ва сунъий (синтетик) турларга бўлинади. Табиий юқори молекулали бирикмаларга табиий каучуклар, целлюлоза, ипак, оқсиллар, нуклеин кислоталар, жун ва бошқалар киради.
Табиий каучукни олтингугурт билан аралаштирилиб, қиздириш (синтез) усулида (ХИХ асрда) резина олинди. 1972 йилда нитроцеллюлозани камфара билан қайта ишлаб целлулоид, яъни пластмассанинг целлюлоза асосидаги биринчи тури тайёрланди. Шу даврда оқсиллар (казеин) асосида синтез қилиб галалит пластмассаси олинди.
ХХ аср бошида органик хом ашёларни синтез қилиш натижасида юқори молекулали моддалар-полимерлар олинди. Кейинчалик карбамид-формалдегид, фенол-формалдегид, полиэфир ва шу каби полимерлар синтез қилинди. Ўттизинчи йиллардан бошлаб полимерланиш жараёнининг кўп жихатлари очилди ва поливинилацетат, поливинилхлорид, полистирол, полиметилметакрилат ва бошқа полимерлар синтез қилинди.
2. Пластмассаларнинг таркиби ва хоссалари
Пластмасса композициялари полимер боғловчи, кукун тўлдиргич, пластификатор, қотирувчи, стабилизатор, бўёқлар ва бошқа модификаторлардан иборатдир.