5-amaliy mashg’ulot

Olingan bilim va ko’nikmalarni mustahkamlash 
geografiya darslarini 
asosiy qismlaridan biri hisoblanadi. O’quvchilar bilimini mustahkamlash ikki 
usulda olib boriladi: bosqichli, yakuniy. Amaliy geografiya darslarida ko’proq 
bosqichma‐bosqich bilim va ko’nikmalarni mustahkamlash keng tarqalgan. 
Bunda o’rganiladigan yangi mavzu bir necha mantiqiy qismlarga bo’linadi. Har 
bir qismni o’tib bo’lingandan so’ng, olingan bilimlar mustahkamlanadi. Olingan 
bilimlarni bir necha usullar yordamida mustahkamlash mumkin: test 
topshiriqlari; amaliy ishlar; mustaqil ishlar va h.k. O’quvchilar bilim va 
ko’nikmalarini bosqichma‐bosqich mustahkamlash bilan birga yakuniy 
mustahkamlash ham mumkin. Bunda o’quvchilarga tarqatma material berish, 
yoki bo’lmasa 3‐4 ta o’quvchidan og’zaki so’rash orqali ham bilimlarni yakuniy 
mustahkamlash mumkin. Shundan so’ng o’quvchilar bilimlariga qo’yilgan 
baholar e’lon qilinadi, ularning kamchiliklar to’g’rilaniladi va dars yakunlanadi. 
Uyga vazifa berish. 
Darsning yakunida uyga vazifa beriladi. Uyga vazifa 
mavzusi sinf doskasiga yozib qo’yiladi. Shundan so’ng uni bajarish bo’yicha 
o’qituvchi o’quvchilarga ko’rsatmalar beradi. Uyga vazifa ko’p hollarda 
darsning oxirida beriladi. Bunda o’quvchilar uy vazifasini maqsadi va 

---

mohiyatini tushunib yetishmaydi. Ko’p hollarda o’qituvchi uy vazifasini berib 
ham, tushuntirib ham ulgurmaydi. Shuning uchun uyga vazifa darsning boshida, 
yangi mavzuni o’tib bo’lgandan so’ng berilsa uni qanday bajarishni 
o’quvchilarga to’laroq tushuntirib berish mumkin. Uyga berilgan vazifani 
tushuntirganda uni o’ziga xos xususiyatlarini hisobga olmoq zarurdir. Matn 
bo’yicha beriladigan vazifalarni kartalar, jadvallar va chizmalar bo’yicha 
beriladigan topshiriqlarni alohida tushuntirish lozim.