5-Amaliy ish. Kompyuter xavfsizligi bilan bog‘liq ahloqiy muammolar va ularning turlari. Ishdan maqsad

D. Firibgarlik va noto'g'ri foydalanish. Kompyuter tizimlari ruxsatsiz harakatlar sodir bo'lishi mumkin bo'lgan noyob muhitni yaratishi mumkin. Ushbu toifadagi jinoyatlar ko'plab an'anaviy nomlarga ega, jumladan o'g'irlik, firibgarlik, o'zlashtirish, tovlamachilik va hokazo. Kompyuter bilan bog'liq firibgarlik kompyuter tizimiga soxta yozuvlarni kiritish, elektron vositalar yordamida pul o'g'irlash, moliyaviy vositalarni o'g'irlash, xizmatlarni o'g'irlash va qimmatli ma'lumotlarni o'g'irlash kabilardir.
E. Javobgarlik. Amerika Qo'shma Shtatlarining Yagona Tijorat Kodeksiga (The Uniform Commercial Code) ko'ra, kafolat hujjatlari xaridorga mahsulot sifatini tasdiqlash yoki mahsulotning to’g’ri ishlashini va'da qiladi va bitim asosining bir qismiga aylanadi. Dasturiy ta'minot ishlab chiqaruvchisi tomonidan foydalanuvchiga dasturning tabiati va sifati to'g'risida berilgan ma’lumot va tasdiqlar ham ekspress kafolat sifatida tasniflanishi mumkin. Dasturchilar yoki chakana sotuvchilar ekspress kafolatlarni belgilash huquqiga ega. Shunday qilib, ular o'zlarining dasturiy ta'minoti yoki apparat vositalarining imkoniyatlari, sifati va tabiatiga oid har qanday ma’lumot va ta’riflarni bayon qilganda real ma’lumotlarni taqdim etishlari kerak. Ular o'zlarining tasdiqlovchi hujjatlarida, mahsulot namoyishlari va mahsulot tavsiflarida huquqiy jihatlarni hisobga olishlari kerak. Ular aytgan har bir so'z yuridik jihatdan xuddi yozma ravishda yozilgan hujjatga teng kuchga ega bo'lishi mumkin. Demak, javobgarlikni ta’minlash uchun barcha shartnomalar yozma ravishda tuzilishi maqsadga muvofiqdir. Ko'zda tutilgan kafolatlar Qo'shma Shtatlarining Yagona Tijorat Kodeksi tomonidan ham belgilangan. Bu har bir sotuvda avtomatik ravishda taqdim etiladigan kafolatlar majmuidir. Ushbu kafolatlar yozma yoki og'zaki bayon qilinishi shart emas. Ular maxsulot xaridorga o'tishi bilan, mahsulot sotuvga muvofiqligini va shunga o'xshash boshqa tovarlarda qo'llaniladigan oddiy kafolatlarga mos kelishini ta'minlaydi (sotuvga yaroqlilik).