5-aмaлий мaшғулoт. Инсoн вa тaбиий лaндшaфтлaр ишнинг мaқсaди

шаҳар»лар ҳам жадаллик билан ривожланмоқда. 
Энди антропоген ландшафтлар ҳакида фикр юритамиз. 
Антропоген ландшафт 
– хусусиятлари одам фаолияти билан 
боғлиқ бўлган ландшафт. Бошқача айтганда, антропоген ландшафт 
– табиий таркибий қисмлари ўртасидаги алоқалар (боғланишлар) 
одамнинг хўжалик фаолияти билан қайта ўзгартирилган собиқ 
табиий ландшафт.
Мақсадли ва кутилмаган ўзгаришлар нисбати бўйича олдиндан 
ўйлаб (мўлжаллаб) ўзгартирилган ва билмасдан (бехосдан) 
ўзгартирилган ландшафтлар фарқланади. Шунингдек, одамнинг 
ўз эҳтиёжларини қондириши учун хўжалик фаолияти билан онгли 
равишда ўзгартирилган ва керакли ҳолатда сақлаб туриладиган 
маданий ландшафтлар ва одамнинг нотўғри фаолияти ёки қўшни 
ландшафтларнинг номақбул таъсирида вужудга келадиган 

---

номаданий ландшафтлар фарқланади. Номаданий ландшафтлар 
негизида кўпинча ландшафт таназзули юз беради. 
Антропоген ландшафтларнинг қуйидаги асосий турлари 
фарқланади: 

агромаданий ландшафт (қишлоқ хўжалиги ландшафти) 
– 
ўсимликлари қишлоқ хўжалиги (боғ) экинлари ва кўчатлари билан 
сезиларли даражада алмаштирилган ҳудуд (майдон, жой). 
Агромаданий ландшафтларининг учта тури ажратиб кўрсатилади: 
дала, боғ ва ўтлоқ-яйлов ландшафтлари.
Дала ландшафти тупроқ қатлами ҳар йили ўғитлар солиб 
ҳайдалиши ва агрофитоценоз (бир йиллик маданий ўсимликлар) 
вужудга келиши (парвариш қилиниши) билан тавсифланади (1-
расм). Бундай ландшафтларда тупроқнинг сув режими, ҳайвонот 
дунёси ва микроиқлимнинг ўзига хос хусусиятлари (айниқса, 
суғориладиган воҳаларда) яққол сезилиб туради. Масалан, пахта, 
шоли ёки маккажўхори даласи. 
Боғ ландшафти 
мевали боғлар, токзор, чой каби дарахт-бутали 
майдонлар ва агрофитоценоз (кўп йиллик маданий ўсимликлар) 
вужудга келиши (парвариш қилиниши) билан тавсифланади (2-
расм).