45- mavzu: Texnik hujjatlarni yaratish va yozish

Dehqonobod kaliy zavodi
Axborot va kommunikatsiya
texnologiyalari bo‘limi boshlig‘i
Omon Hamroyevga

Hujjat tashkilot rahbariga jo‘natilganda, tashkilot nomi oluvchi lavozimi tarkibiga kiradi. Masalan:

«O‘zdaverloyiha»
instituti direktori
S.K.Qayumovga
Yuqorida ko‘rsatilgan tartib tashkilot ichidagi yozishmalarda, xususan, tashkilot yoki bo‘linma rahbari nomiga bildirishnoma, tushuntirish xati va sh.k. tayyorlanayotganda ham qo‘llanadi.
Agar hujjat bir turdagi bir necha tashkilotlarga jo‘natilayotgan bo‘lsa, ularni umumlashgan holda ko‘rsatish lozim. Masalan:
Bosh boshqarmalar,
boshqarmalar va bo‘limlar
boshliqlariga

Hujjat turli tashkilotlarga jo‘natilayotganda, «Oluvchilar» rekviziti to‘rttadan oshmasligi kerak. «Nusxa» so‘zi ikkinchi, uchinchi, to‘rtinchi oluvchilar oldida ko‘rsatilmaydi. Hujjatni to‘rttadan ko‘p manzilga jo‘natganda, tarqatish (yuborish) ro‘yxati tuziladi va har qaysi hujjatda faqat bitta oluvchi ko‘rsatiladi.

Hujjatni xususiy shaxsga jo‘natayotganda, avval pochta manzili, keyin ismi va otaismi (bosh harflari), familiyasi yoziladi. Masalan:
100000. Toshkent sh.,
Hamid Olimjon ko‘chasi,
5-uy,18-xonadon,
T.A.Ahmedovga
14. «Tasdiqlash ustxati». Ushbu zaruriy qism «Tasdiqlayman» so‘zidan, hujjatni tasdiqlayotgan shaxs lavozimining nomi, shaxsiy imzosi, imzosining yoyilmasi va sanadan iborat bo‘ladi. Masalan:
TASDIQLAYMAN_Institut_direktori_S._N._Rahimov_(imzo)_2018-yil_16-dekabr'>TASDIQLAYMAN
Institut direktori
S. N. Rahimov
(imzo)
2018-yil 16-dekabr
Agar hujjat blankaga yozilmasa, lavozim oldiga tashkilot nomi qo‘yiladi. Hujjat yuqori yoki begona tashkilot rahbari tomonidan tasdiqlanganda ham, lavozim nomiga tashkilot nomi qo‘yiladi. Masalan:
TASDIQLAYMAN
O‘zR FA O‘zbek tili, adabiyoti va
folklori instituti direktori