40-модда. Юридик шахсларнинг турлари [СПиТ

Nazorat tartibida tekshirish tadbirkorlik subyektlarining ilgarigi tekshirishda ko‘rsatilgan qoidabuzarliklarni bartaraf etishi ustidan nazorat qiluvchi organlar amalga oshiradigan tekshirishdir.

Nazorat tartibida tekshirishlar nazorat qiluvchi organlar tomonidan maxsus vakolatli organ belgilagan tartibda bir ish kuni ichida amalga oshiriladi.
Nazorat tartibida tekshirishlarni o‘tkazish nazorat qiluvchi organlar tomonidan ularning o‘zlari o‘tkazgan tekshirish natijalari bo‘yicha faqat dalolatnomada (ma’lumotnomada) belgilangan holatlar bo‘yicha va muddatlarda, Kengash yoki uning viloyat komissiyasi qo‘shimcha qarorisiz amalga oshiriladi.
Tadbirkorlik subyekti tekshirish natijalari bo‘yicha dalolatnomada (ma’lumotnomada) belgilangan muddatlarda nazorat tartibida tekshirishlar o‘tkazishga rozi bo‘lmasa, ularni o‘tkazish muddatlari viloyat komissiyalarining qarorlari bilan belgilanadi. Bunda o‘tkazilgan tekshirish natijalari bo‘yicha dalolatnoma (ma’lumotnoma) nazorat tartibida tekshirish o‘tkazish zarurligiga asos bo‘ladi.
Davlat soliq xizmati organlari tomonidan o‘tkaziladigan tekshiruvlar
Tadbirkorlik subyektlari faoliyati ustidan soliq tekshiruvi orqali amalga oshiriladigan davlat nazoratining o‘ziga xos xususiyatlari soliq to‘g‘risidagi qonun hujjatlari, xususan O‘zbekiston Respublikasining soliq kodeksi normalari bilan tartibga solinadi.

Soliq tekshiruvi – davlat soliq xizmati organlari tomonidan, qonun hujjatlarida nazarda tutilgan hollarda esa prokuratura organlari tomonidan amalga oshiriladigan soliq to‘g‘risidagi qonun hujjatlarining bajarilishini tekshirish tushuniladi.

Soliq tekshiruvi, birinchidan, tadbirkorlik subyekttining
moliya-xo‘jalik faoliyati tekshiruvi (taftishi) va ikkinchidan, qisqa muddatli tekshiruv shaklida amalga oshiriladi.