4-mavzu. Kredit riski

V aktivlarini qamrab olgan garov qiymati nazarda tutilgan kafolatlangan majburiyatlar bo‘yicha E to‘lovlardan yuqori bo‘lsa, kafil bu farqni o‘zida qoldiradi va o‘zining mablag‘idan hech narsa to‘lamaydi. Biroq, agar aktivlar qiymati majburiyat yuzasidan to‘lanadigan to‘lovlardan kam bo‘lsa, kafil E - V orasidagi farqni to‘lab berishi lozim. Kafil tomonidan olinadigan maksimal daromad zararni to‘lagunga qadar yoki kafolat muddatining oxiriga qadar olinadigan qo‘yilgan mukofot qo‘shuv mukofotga hisoblangan foizlarga teng. Ushbu maksimal daromad kredit oluvchining to‘lovga layoqatsizligi oqibatidagi taqchillik yoki yo‘qotish tufayli kamayadi. Kafolatchining maksimal yo‘qotishi majburiyatlari bo‘yicha to‘lovning qiymatiga teng bo‘lishi mumkin. Shunday qilib, kafil daromadini aniqlaydigan funksiya R - max (0, E - V) shaklini oladi, bu yerda R — uning sarmoyasidan olinadigan mukofot va foizlar.