4 Mashg’ulot Tibbiy nazorat usullari: antropometriya, somatometriya

Ishni bajarish tartibi. Bolani gorizontal tarozida tortayotgan vaqtda tagiga iliq yo’rgak solinadi, tarozining pallasi har kuni sovunlab yuvib qo’yiladi, ko’rsatkichlar to’g’irlanadi.

Bolaning boshi rastomerning bosh tomoniga zich taqalib qo’yiladi. Gorizontal joylashgan planshetkasi suriladi. Bo’yini o’lchashda bola tovonlari, dumbalari, kuraklari, ensasi rastomer ustuniga tekkiziladi. Planshetka tushirilib shkaladagi darajalar hisoblab chiqiladi.

Bolaning boshi va ko'krak aylanasi santimetrli lenta bilan o'lchanadi. Bosh aylanasini aniqlash uchun santimetrli lenta qosh usti qovoqlari va ensa do'mbog’i sohasida boshiga aylantirib o'raladi.

Ko'krak aylanasini o'lchash uchun santimetrli lenta oldindan ko'krak bezi uchlari sohasiga, orqadan kuraklarning pastki burchaklari sohasiga qo'yiladi. Etilib kelayotgan qizlarda santimetrli lenta oldingi tomonda IV- qovurg’a bo'ylab o'tadi. Bolaning qo'llari pastga tushirilgan, nafasi tinch bo'lishi kerak. Katta yoshli bolalarning ko'krak aylanasi nafas chiqarish vaqtida, shuningdek, bor kuchi bilan nafas chiqarilgan hamda bemalol nafas olib turilgan vaqtda o'lchanadi.

Mustaqil ishlar. Talabalar tibbiyot tarozisi santimetrli lentalar yordamida og’irlik va uzunlikni o’lchash qoidalarini bir-birlariga bajarib ko’radilar.


Nazorat uchun savollar.
1. Antrometrik ko’rsatkichlarga nimalar kiradi?

2. Gorizontal rastomer nima?

3. Tibbiyot tarozici nima?

4. Bosh va ko’krak qafasi qanday o’lchanadi?