4-kurs O‘quv-uslubiy majmua bilim sohasi

Nazorat savollari:
1. Muloqot deganda nimani tushunasiz?
2. Muloqot turlari haqida nimalarni bilasiz?
3. Muloqot muammosi bilan qaysi olimlar ko‘proq shug‘ullanganlar?
4. Muloqotchanlikni qanday tarbiyalash mumkin?
5. Insonlar bilan suhbatlashish jarayonida bir necha kichik qoidalarga amal qilishi kerak?
6. Muloqot jarayonida qanday psixologik to‘siqlar mavjud ?
7. Muloqotning nechta funksiyasi mavjud ?


Adabiyotlar

1. Алимжонова З., Тўлаганов А.Н., Нутқ санъати.– Т., Фан, 2005.

3. Бобоназарова Б. Нутқ санъати. –Т., ЎзДСИ, 2004
4. Джулдиқараева Х. Нутқ санъати (Талаффуз техникаси).– Т., ЎзДСИ, 2008.
5. Жуманиёзов Р. Нутқий маҳорат (Нотиқ, нутқ, мантиқ). – Т., Адолат, 2005.
6. Жуманов И. Нутқ санъати. Ўзбекистон миллий энциклопедияси, Т., 2007.
7. Қиличев Э., Қиличев Б.Э. Нотиқлик маданияти. Бухоро, 2005.
9. Қўнғуров Р., Бегматов Э., Тожиев Ё. Нотиқлик маданияти. Т.: 1992.
10. Носирова А. Жонли сўз санъати асослари.– Т., 2003
11. Нурмуҳаммедова Ў. Нутқ санъати. – Т., ЎзДСИ, 2008.
12. Расулова А. Нутқ санъати. – Т., 2006.
14. Саидов У. Нутқ маданияти ва нотиқлик санъати. – Т.: Академия, 2007.
15. Хожиматова М. Нутқ санъати / –Т., Янги аср авлоди, 2011.


14-mavzu: Kasbiy muloqot jarayoni. Muloqot texnikasi va uning
tarkibiy qismlari. Muloqot texnikasini shakllantirishda innovatsion
texnologiyalarning o‘rni.
Reja :
Reja:

1. 
   Muloqot va uning turlari
   
2. 
   Muloqot shakllari
   
3. 
   Nutqiy faoliyat
   

«Muloqot» tushunchasining turlicha ta’riflari mavjud. Muloqot ikki yoki undan ortiq odamlar o‘rtasidagi bilish yoki affektiv-baholash xususiyatiga ega bo‘lgan axborot almashinuvida ularning o‘zaro ta’sirlashuvi sifatida ta’riflanadi. Yoki: muloqot – odamlar o‘rtasida hamkorlik faoliyati ehtiyojidan yuzaga keladigan va axborot almashinuvi, o‘zaro ta’sirning yagona yo‘lini ishlab chiqish, boshqa odamni idrok qilish va tushunishdan iborat bo‘lgan aloqalarni o‘rnatish va rivojlatirishning murakkab, keng qamrovli jarayoni. Bu «muloqot» tushunchasining eng to‘liq va aniq ta’rifidir.
Muloqot barcha tirik jonzotlarga xosdir, lekin odam darajasida u eng takomillashgan shakllarga ega bo‘ladi, nutq vositasida anglanadi. Muloqotda quyidagi nuqtai nazarlar ajratiladi: mazmun, maqsad va vositalar.
Muloqot mazmuni – bu individualliklararo aloqalarda bir tirik jonzotdan ikkinchisiga etkaziladigan axborot. Muloqot mazmuniga tirik mavjudotning ichki motivatsion yoki emotsional holati haqidagi ma’lumotlar kirishi mumkin. Muloqot orqali bir tirik mavjudotdan ikkinchisiga, tirik mavjudotni ma’lum tartibda aloqaga kirishishga yo‘naltiruvchi, ularning emotsional holatlari (mamnunlik, shodlik, g‘azab, qayg‘u, hijron va shu kabilar) haqidagi ma’lumotlar o‘tishi mumkin. Bunday axborot odamdan odamga etkaziladi va shaxslararo aloqalar o‘rnatish vositasi bo‘lib xizmat qiladi.
Biz, ochiq ko‘ngilli va shodlanayotgan odamga qaraganda, g‘azablanayotgan yoki azob chekayotgan odamga nisbatan o‘zimizni boshqacha tutamiz. Bir mavjudotdan boshqasiga etkaziladigan tashqi muhit holati haqidagi ma’lumot, masalan, xavfdan yoki yaqin atrofda ijobiy, biologik muhim omillarning, deylik, ozuqaning mavjudligi haqidagi ogohlantirish muloqot mazmuni bo‘lishi mumkin. Odamda muloqot mazmuni hayvonlarnikiga qaraganda ancha kengroqdir. Odamlar bir-biri bilan dunyo haqidagi bilimlar, orttirilgan tajriba, layoqatlar, malaka va ko‘nikmalarni jamlagan axborot bilan almashadilar. Inson muloqoti ko‘p jismli bo‘lib, ichki mazmuniga ko‘ra turli-tumandir.