4-жадвал. Оҳангарон ҳавзасининг археологик ёдгорликлари

2.51-53. Учта номсиз тепалик 24-26 Гижиган ирмоғининг чап қирғоғида, Янгитурмуш қишлоғи яқинида жойлашган. Кординатаси: 40°43'55.60" С; 69°05'02.38" В. 1966 йилда ЧҚАО томонидан қайд этилган². Улар бир-биридан 200-300 м. узоқликда жойлашган. Уларнинг майдони орасидаги ўзлаштирилган ерлар билан ҳисоблаганда 7 га. атрофида. Учта тепаликнинг ўртадагиси қабристонга айлантирилиб, ҳозирда “Қанғли қабристони” деб аталади. Тепаликларнинг атрофи уй-жойлар қурилиши ва экин майдонларининг кенгайиши натижасида ўзлаштирилган.
2.54. Кечувдаги тепа Сирдарё қирғоғидан 1 км. шарқдаги адирликда, қадимий кечув яқинида жойлашган³. 1967 йилда ЧҚАО томонидан қайд этилган. У истеҳкомли тураржойлар бўлиб, жануби-ғарбдан шимоли-шарққа қараб чўзилган. Унинг катталиги 135-575 м. жануби-ғарбий бурчагида оволсимон истеҳком бўлиб, баландлиги 1-2 м.ни ташкил этади. Ёдгорликдан VI-X асрларга оид материаллар топилган. У Сирдарёдан ўтадиган кечувни қўриқлаб турадиган гарнизон ўрни бўлиши мумкин.
2.55. Жартитепа Туябўғиз сув омбори тагида қолиб кетган⁴. 1959 йилда В.А.Нильсен унинг бир қисмини қазиб ўрганган⁵. У Оҳангарон ўзани яқинидаги баланд тепаликда жойлашган қаср типидаги истеҳком бўлган. I минг йилликнинг 1-ярмига оид учта меъморий қурилиши даври аниқланган.
2.56. Жомтепа Оҳангарон дарёси чап қирғоғи, Жартитепадан 2,5 км. ғарбда жойлашган⁶. 1965 йилда ЧҚАО томонидан қайд этилган. Унинг тавсифи, ўлчами, санаси, берилмаган.
2.57. Аччитепа Пискент шаҳридан тахминан 7 км. ғарбда жойлашган⁷. 1934 йилда М.Е.Массон томонидан қайд этилган⁸. Унинг тавсифи, ўлчами, санаси берилмаган.
2.58-59. Иккита номсиз тепалик 27-28 Аччитепадан шимоли-ғарбда, Алимкент қишлоғи яқинида жойлашган⁹. 1934 йилда М.Е.Массон томонидан қайд этилган¹⁰. Унинг тавсифи, ўлчами, санаси берилмаган.
2.60. Оқтепа Қанқа шаҳар харобасидан ғарбда жойлашган¹¹. 1934 йилда М.Е.Массон томонидан қайд этилган¹². Унинг тавсифи, ўлчами, санаси берилмаган.
2.61. Бобуртепа Қанқа харобасидан ғарбда жойлашган¹. 1934 йилда М.Е.Массон томонидан қайд этилган². Унинг ўлчами, тавсифи, санаси берилмаган.
2.62-63. Иккита номсиз тепалик 29-30 Усмонтепа шаҳар харобасидан шимоли-шарқда жойлашган³. 1966 йилда ЧҚАО томонидан қайд этилган. Унинг тавсифи, ўлчами, санаси берилмаган.
2.64. Номсиз тепалик 31 Усмонтепа харобасидан 0,5 км. жануби-ғарбда жойлашган⁴. 1966 йилда ЧҚАО томонидан қайд этилган. Унинг тавсифи, ўлчами, санаси берилмаган.
2.65. Қимизтўккан тепа Бўка тумани Хўжақишлоқдан жанубда жойлашган. Кординатаси: 40°46'7.27" С; 69° 6'3.71" В. Бу харобанинг экин майдонларидан ташқари қисми 2 га.ни ташкил этади. Унинг ғарбий бурчагидан баландлиги 7-8 м.ли қаср ўрни сақланган. Унинг шимоли-шарқий қисми ҳозирда “Тожик маҳалла қабристони” деб аталади. У ердан VI-VIII асрларга оид материаллар топилган.
2.66. Қандтепа Хўжақишлоқнинг Янгиҳаёт маҳалласидан ғарбда, экин майдонлари орасида жойлашган. Кординатаси: 40°46'55.62" С 69°4'21.61" В. У хандақ билан ўралган бўлиб, хандақнинг майдони 0,9 га. бўлиб, Қорахонийлар даврига (28х14х4 см.) оид пишган ғиштлар топилди.
2.67. Бисттепа Хўжақишлоқнинг Янги ҳаёт маҳалласидан ғарбда, экин майдонларининг орасида Қандтепадан 500 м. ғарбда жойлашган. Майдони 0,75 га.ни ташкил этади.
2.68. Олтинбел Бўка-Сайхунобод автомобиль йўлидан 1 км. жанубда, Олтинбел қишлоғида жойлашган. Кординатаси: 40°42'21.42" С; 69°3'35.83" В. Ёдгорликнинг шимоли дарёнинг эски ўзани излари сақланган. Чунки бу томони бир текисда пастроқ. Унинг сақланган қисмининг майдони 3,5 га. атрофида бўлиб, тўғри бурчакли тўртбурчак шаклдаги (майдони 0,5 га.) уч томон (ғарб, шарқ, жануб)дан хандақ билан ўралган қисми ўртасида жойлашган. Ёдгорликнинг мудофааланган қисмига шимол томондан кирилган. Бу ёдгорлик ҳозирда мусулмон ва христианларнинг қабристонига айлантирилган.