4-bob. Umumiy montaj ishlarida ishlatiladigan yuk ko‘tarish mashinalari

Elektr yuritmali tallar – elektrotallar. Bunday tallar (4.18-rasm.) osma elektrik chig‘irga ega bo‘lib, u ko‘tarish mexanizmi 2 va alohida yuritmaga ega bo‘lgan harakatlanish mexanizmi 1 dan iborat.
Elektrotal monorels bo‘ylab to‘g‘ri chiziqli yoki yopiq kontur bo‘yicha harakat qiladi. Elektrotal egiluvchan kabelga o‘rnatilgan tugmachali boshqaruv pulti orqali boshqariladi.

4.19-rasm. Elektrotalning kinematik sxemasi
1- yurish aravachasi; 2 - yuk ko‘tarish mexanizmi; 3 - val;
4 - elektromagnitli to‘xtatgich; 5- prujina; 6- elektromagnit; 7- reduktor; 8- ilmoqli osma; 9 - korpus; 10 - baraban; 11 - elektrodvigatel.
Elektrotalni ko‘tarish mexanizmi korpus 9 dan va uning ichidagi baraban 10 ga o‘rnatilgan kranning asinxron elektrodvigateli 11, reduktor 7, diskli elektrmagnitli to‘xtatgich 4, yukning ko‘tarilish balandligini chegaralovchi 8 dan iborat.
Korpus yurish telejkasiga osilgan bo‘lib yukni tushirish elektrodvigatel- ni reversivlash orqali amalga oshiriladi.
Diskli elektromagnit to‘xtatgich avtomatik ravishda ishlaydi. Elektrodvigatel yuritilganda elektromagnit disk 6 larni ajratadi va val 3 erkin aylanadi. Elektro­dvigatel uzilganda elektromagnit g‘altaklariva to‘xtat­gich disklari prujina 5 bilan qisiladi.

4.8.Kimyo va qurilish materiallari korxonalarida qo‘llaniladigan yuk ko‘targichlar

Kimyo va qurilish materiallari ishlab chiqarish korxonalarining yuk ko‘targichlari montaj va ta’mirlash ishlarini olib borishda,shuningdek,kimyo va qurilish materiallari hamda jihozlarni yuqori qavatlarga ko‘tarishda ishlatiladi.
Kimyo va qurilish materiallari korxonalari yuk ko‘targichlari mahkamlangan yo‘naltiruvchi metall reykalarda tik va qiyarok harakat qilib, unga joylashgan maydonchalar yoki kabinalar ichida yukni ko‘taradi yoki tushiradi. Ko‘targichlar bajaradigan vazifasiga qarab yuk va odam ko‘taradigan ko‘targichlarga, konstruksiyasiga karab esa machtali va shaxtali ko‘targichlarga bo‘linadi.