4. Ароматик ядрода нуклеофил алмашиниш реакцияси ва унинг механизми

Диазогуруҳнинг нуклеофил алмашиниши (механизм S_N1)
Диазоний тузларидаги N₂ гуруҳнинг бошқа гуруҳларга алмашиниш (Зандмейер) реакциялари кўп учрайди:

Реакция юмшоқ шароитларда амалга ошади, чунки кимёвий инерт, энергияси кам бўлган N₂ молекуласи ажралади. Реакция шароитига боғлиқ ҳолда ковалент C-N (бензол ҳалқа С атоми ва диазогуруҳнинг N атоми) боғи гетеролитик ёки гомолитик узилиши мумкин. Биринчи ҳолда электрон жуфт азот атомида қолади – бу диазогуруҳнинг нуклеофил алмашинишидир. Реакцияда ўта беқарор, реакцион қобилияти юқори бўлган фенил-катиони ҳосил бўлади (секин босқич), у тезда нуклеофил реагент билан таъсирлашади. Ароматик ҳалқадаги диазогуруҳнинг нуклеофил алмашиниши S_N1 механизмда боради. Масалан, юқори ҳароратда диазоний катиони гетеролитик диссоциацияланишидан N₂ ва мусбат заряди ароматик ҳалқа С атомида бўлган карбоний иони (фенил ёки арил катиони) ҳосил бўлади:

Ҳосил бўлган арил катионининг реакцион муҳитда мавжуд бўлган нуклеофил агент билан таъсирлашиши тез содир бўлади.

Бу реакция ёрдамида –N₂⁺ гуруҳни турли гуруҳларга алмаштириш мумкин (14.8. бўлимга қаранг). Ушбу реакциялар S_N1 механизмда диазоний тузлари ва сув, спиртлар ва галогенид-анионлари орасида содир бўлади:

Диазоний тузларидаги C-N боғнинг гомолитик узилиши одатда мис(I) тузлари ёки Cu кукуни иштирокида боради. Бунда Cu(0) ёки Cu(I) электрон донори, Cu(II) осон қайтарилади (3d электрон поғона тўлади). C-N боғнинг гомолитик узилишида мис мусбат зарядланган азотга электрон беради. Реакция охирида Cu⁺ қайта ҳосил бўлади:
С₆H₅-N⁺ N + Cu^{+ .}C₆H₅ + N₂ + Cu^2+
.C₆H₅ + X^- + Cu²⁺ C₆H₅-X + Cu⁺
Ушбу реакцияда расман нуклеофил алмашиниш маҳсулотлари олинса ҳам, амалда реакция радикал механизмда содир бўлади. Зандмейер реакциясида арилдиазоний хлориди мис(I)хлориди таъсирида парчаланади ва арилхлоридлар (ёки арилбромидлар) олинади.