4-amaliy mashg`ulot. Mavzu: Metallarni to’g’rilash va kesish, Metallarni egish

Metallni bukish

Umumiy kursatma. 5 mm. gacha qalinliqdagi po’lat listni, 7 mm. gacha qalinliqdagi po’lat tasmani, diametri 10 mm. gacha bo’lgan po’latdan yasalgan doiraviy kesimli detallarni sovuq holida bukish mumkin.
7-mashq. Girada bukish
1.Metall tasmani to’g’ri burchak hosil qilib bukish.			1.Tasmani bukish joyi chizg’ich bilan belgilanadi .U girada shunday qisiladiki, rejalash chizig’i giraning qo’zg’almas jag’iga qaratilgan bo’lib, uning ustidan 0,5 mm chiqib turadi. Tasma qo’zg’almas jag’ tomon yo’naltirilgan bolg’a zarblari bilan to’g’ri burchak hosil qilgan holda bukiladi. Detalda ezilgan joylar qolmasligi kuzatib turiladi; zarur bo’lganida, yumshoq metall quymali bolg’a ishlatiladi.
2.Gardishlar qo’llab tasmani o’tkir burchak ostida bukish.			2.Chizg’ich bilan egish joyi belgilanadi. tasma gardish bilan birga girada shunday qisiladiki, bunda chiziq bukish tomonga qaratilgan bo’lib, gardish chetidan 0,5 mm chiqib turadi. Bolg’abilan urib, tasma gardish qirrasiga to’la yopishgunicha egiladi.
3. Tasmani gardishlar vositasida ikki marta bukish.			3. Tasma I-moddada tavsiya etilgan usulda bukiladi.Ikkinchi bukish joyi belgilanadi. Ilgari ko’rsatilgan talablarga rioya qilib, tasma gardish bilan birga girada qisiladi.Tasma gardish qirrasiga to’la yopishgunicha bukiladi. Eslatma. Halqa tarzidagi detallarni ko’plab yasashda detallar o’lchamiga mos keladigan gardishlarni ishlatish tavsiya etiladi, bunda ikkinchi marta rejalashga hojat qolmaydi.