4 – sinf. Tasviriy san’at Mavzu: “Bahor gullari” mavzusida kompozitsiya ishlash

A).Darsning mazmuni: O’qituvchi bolalarning bilimlarini boyitish va tasavvurlarini o’stirish uchun ular ko’rgan gullarini eslashni taklif etadi. O’qituvchi savol berib, bolalarni gullarning nomi va ranglari haqidagi bilimlarni tekshirib ko’radi. Bunda u quyidagi savollarni berishi mumkin: “Bolalar, manabu rasmlarga qarang, nimalarni ko’ryapsiz? Ularning tashqi qiyofalari bir biriga o’xshaydimi? Ularni farq qiluvchi belgilarini aytib bering. Ulardan qaysilarini ko’rgansiz? Nomlarini ayting. Mana bu gullar qanday ishlangan?” va boshqalar.
So’ng o’qituvchi o’quvchilarning javoblaridagi kamchiliklarini to’ldirib, ko’rgazmali qurol asosida ularning tushunchalarini yanada boyitadi. Bunda o’qituvchi bolalarning diqqat-e’tiborini, asosan, gullarning tashqi ko’rinishlariga, , o’lchamlari va o’lcam nisbatlariga qaratish lozim.
Bahor mavzusini nafaqat yangi o’sib chiqqan maysalar, adirlarni alvon gilamdek qoplagan lolaqizg’aldoqlar, pushti, oq va binafsharang bo’lib gullagan bodom, o’rik, shaftoli va olmalarning manzarachi rassom tomonidan tasvirlangan asarlarida emas, balki bahor o’simliklarining tasviri sifatidagi naturmort asarlarida ham ko’rish mumkin.

Obidjon Bakirovning ushbu “Lolaqizg’aldoqlar” nomli naturmortini diqqat bilan kuzatsangiz bunga ishonch hosil qilasiz.

NASTARIN

O’RIK GULI

Rassom Obidjon Bakirov

Rassom Obidjon Bakirov 1941- yil 19- martda Andijon shahrida tug`ilgan. 1958- yili o’rta maktabni bitirib, 1961- yilgacha Y.Oxunboboyev nomli teatrda, so’ngra Andijon tibbiyot institutida rassom – bezakchi bo’lib ishlagan. 1962 – 1967 - yillari Toshkentdagi Benkov nomli bilim yurtida, 1967 – 1970- yillari esa Toshkent teatr va rassomchilik institutida ta’lim olgan. 1973 – 1985-yillari Andijondagi rassomchilik badiiy fondida ishladi va Andijon o’quvchi va yoshlar saroyida to’garak rahbari sifatida yoshlarni tasviriy san’at sirlari bilan tanishtirdi. Rassom qayerda bo’lmasin tinmay ijod ishlari bilan shug`ullandi.
Ijodkor natyurmort janrida “O’rik guli”, “Qulipnaylar”, “Nastarin”, “Behilar”, “Qovun”, “Kuzgi natyurmort”, “Anoralar”, “Atirgullar”, “Anor sharbati” va boshqa asarlar yozgan. Ularda tasvirlangan narsalarning aksariyati to’kin – sochin dasturxon fonida ishlangan bo’lib, o’zbek halqining mehnatkashligi va mehmondo’stligini falsafiy tomondan ta’riflaydi. Rassom 1997- yili O’zbekiston Respublikasi “Shuhrat” medali, 2001- yili O’zbekiston Badiiy akademiyasining “Yuksak san’at asarlari uchun” kumush medali bilan mukofotlandi. O.Bakirovga 2008- yili “O’zbekiston halq rassomi” unvoni berildi.
Shundan keyin bahor gullari mavzusidagi kompozitsiya ishlashning turli variantlari tushuntiriladi.