4- мавзу: Аллоҳ Таолонинг гўзал исмлари ва олий сифатлари ҳақидаги илмнинг фазилати

Матн:
 
У яккадир- тоқликни яхши кўради 
Шарх:
 
Аллаҳу витрун юҳиббул-витра – витр бу “тоқ” дегани, Аллоҳ 
тоқликни яхши кўради. Тоқ нарсаларни яхши кўради, деганлар 
Росулуллоҳ соллаллоҳу алайҳи ва саллам Ҳадисларида. Бу нарсани 
билганимиздан кейин биз ўзбекчилигимизда ҳамма нарсани жуфт 
қилишни яхши кўрамиз. Масалан, қўшнимиз пиёз, картошка сўраб 
чиқса, учта бериш мумкинмас, ё 2 та ёки 4 та бериш керак. Меҳмон 
келса, олдига нон қўйилса, 2 та ёки 4 та нон қўйилиши керак,
хуллас, жуфт бўлиши керак. 3 та ёки 1 та қўйиш айб саналар эди. 
Лекин шу ерда Аллоҳ Таоло тоқликни яхши кўради, деган Ҳадисга 
амал қилсак, бунда ҳам ажрланиб қоламиз, урфа қарайдиган бўлсак, 
ҳеч нарса қилмайди, гуноҳ бўлмайди, суннатга мувофиқ эмас.
Матн:
 
Гўзалдир-гўзалликни яхши кўради 

---

Шарх:
 
Аёллар гўзалликни яхши кўради, лекин бу яхши кўришимизда 
ҳам агар қалбимизда Аллоҳ чиройни яхши кўради, деган фикр билан 
қилинадиган ҳаракат бўлса, бунда ҳам ажрга эга бўлиб қоламиз.
 
Матн:
 
Билувчидир-олим бандаларини яхши кўради, Саховатлидир-
сахий бандаларини яхши кўради, Кучлидирки, кучли мўмин заиф 
мўминдан кўра Унга суюклидир.
Шарх:
 
Росулуллоҳ соллаллоҳу алайҳи ва саллам айтганлар: 
“Кучли 
мўмин заиф мўминдан кўра суюкли”. 
Матн:
 
Ҳаёлидир- ҳаё аҳлини яхши кўради, тавбаларни қабул 
қилувчидир- кўплаб тавба килувчиларни яхши кўради. Шакур 
(озгина амалга кўп ажрларни берувчи) дир - шукр қилувчиларни 
яхши кўради, рост сузлагувчидир - ростгўйларни яхши кўради, 
эҳсон қилувчидир - эҳсон қилувчиларни яхши кўради, Раҳмлидир - 
раҳмдилларни яхши кўради, Аллоҳ раҳмдил бандаларигагина раҳм 
қилади, Ситтир (бандаларнинг айбларини тўсувчи) дир - 
бандаларининг айбларини тўсганларни яхши кўради.