3–маъруза ички изоляция режа

3. Пробойдан кейин ўз–ўзидан тикланувчи ва тикланмайдиган изоляция

• Ички изоляцияда пробой бўлгандаги шикастланиш кўлами, изоляциянинг тури ва конструкцияси, кучланиш манбасининг қуввати ва уни узиш вақтига боғлиқ ҳолда, ҳар хил бўлиши мумкин. Масалан изоляцияни импульс кучланишда синашда, шикастланиш жуда кичик бўлиб электр мустаҳкамлик маълум даражагача тикланади, лекин бошланғич даражагача эмас. Изоляция ишлашда давом этиши мумкин, аммо у кучсизланади ва ичида янги ривожланувчи дефектлар ҳосил бўлади.
• Таркибида қаттиқ диэлектрик бўлган ички изоляцияда пробой содир бўлиши, одатда, унинг ишдан чиқишга олиб келади.

3. Пробойдан кейин ўз–ўзидан тикланувчи ва тикланмайдиган изоляция

• Ички изоляция кўпчилик турларининг бундай умумий хусусияти катта амалий аҳамиятга эга. Биринчидан, ички изоляция ташқи изоляцияга нисбатан юқорироқ электр мустаҳкамликка эга бўлиши яъни ишлаш муддати давомида унда умуман пробой содир бўлмаслиги керак. Иккинчидан, умуман олганда, янги тайёрланган изоляция электр мустаҳкамлигининг хақиқий қийматини аниқлаб бўлмайди. Чунки, пробой кучланишини ўлчаш ички изоляциянинг ишдан чиқишига олиб келади. Шунинг учун ички изоляциянинг сифатини назорат қилиш пробой кучланишининг хақиқий қийматини ўлчаш йўли билан эмас, балки унга таъсир қилиши мумкин бўлган ўта кучланишларни ҳисобга олиб танланган синаш кучланишларига бардош беришини текшириш йўли билан амалга оширилади.

4. Изоляцияга иссиқлик, механик ва бошқа таъсирлар.

• Юқори кучланишли ички изоляциянинг ҳар қандай конструкциясида изоляция электр майдони балан бир қаторда бошқа таъсирларни ҳам остида бўлади. Улар изоляциянинг ишлаш муддатига кучли даражада, айрим ҳолларда ҳал қилувчи таъсир кўрсатиши мумкин. Бундай таъсирларга иссиқлик ва механик таъсирларни, намланиш, қуёш радиациясининг ва микроорганизмларнинг таъсирини ва бошқаларни киритиш мумкин.
• Иссиқлик асосан электр қурилманинг актив қисмларида (ўтказгич ва магнит ўзакларда) ҳамда изоляциянинг ўзида диэлектрик исрофлар натижасида ҳосил бўлади. Иссиқлик таъсирида изоляциядаги кимёвий жараёнлар тезлашади, натижада унинг электр изоляция ва механик хусусиятлари пасаяди, эскириш тезлашади.