3–маъруза ички изоляция режа

3–МАЪРУЗА

• ИЧКИ ИЗОЛЯЦИЯ

РЕЖА:

• 3.1. Ички изоляциянинг асосий хусусиятлари;
• 3.2. Ички изоляцияга қўйиладиган талаблар;
• 3.3. Пробойдан кейин ўз–ўзидан тикланувчи ва тикланмайдиган изоляция;
• 3.4. Изоляцияга иссиқлик, механик ва бошқа таъсирлар.

Ички изоляциянинг асосий хусусиятлари;

• Ички изоляциялар атмосфера ҳавоси билан бевосита контактда бўлмайди.
• Уларда ўтказгичлар орасидаги изоляцион оралиқлар, газсимон, суюқ ёки қаттиқ диэлектриклар ёки уларнинг комбинацияларидан иборат бўлиб атмосфера ҳавосини киритмайдиган тўсиққа эга бўлади.

Ички изоляциянинг асосий хусусиятлари;

• Мисол сифатида кўпчилик электр қурилмаларда ишлатиладиган юқори кучланишли киришни кўрайлик .(1–расмда). Кириш (ўтувчи изолятор) ерга уланган қурилма корпусининг девори 1 орқали ўтадиган килиб маҳкамланади. Юқори кучланишли кириш фланец 2, ток ўтказувчи стержен 3 ва изоляция 4 дан иборат. Изоляция диэлектрик материаллардан тайёрланади, тузилиши эса мураккаб бўлиши мумкин. Киришнинг устки қисми ҳавода, пастки қисми эса, масалан, трансформатор мойи тўлдирилган корпуснинг ичида жойлашган. Ток ўтказувчи стерженга ҳавода юқори кучланишли шина 5 уланган; корпуснинг ичида эса ўтказгич 6 уланган. Ўтказгич қурилманинг функционал қисмига
• (масалан, трансформаторда чўлғамга) боради).

Ички изоляциянинг асосий хусусиятлари;

• Расмда кўрсатилган конструкцияда ички изоляцияга қуйидагилар киради: киришнинг устки қисмида жойлашган изоляция 4 нинг ички қисми, изоляция 4 нинг корпус ичида жойлашган пастки қисми тўлиғича, ўтказгич 6 ва девор 1 орасидаги мойли ва изоляция сирти бўйлаб оралиқлар.
• Ушбу конструкцияда ташқи изоляцияга шина 5 ва девор 1 орасидаги ҳаволи ва изоляция 4 нинг сирти бўйлаб оралиқлар киради.
• Юқорида кўрсатилган мисолда ички изоляция электротехник чинни, қоғоз ва трансформатор мойининг комбинациядан иборат. Электр қурилмаларда ички изоляция ишлаш шароитлари, тавсифлари, ишлатилган диэлектриклар ва конструкциялари бўйича ҳар хил ва янада мураккаброқ бўлиши мумкин.