34-sanlı ulıwma orta bilim beriw mektebiniń 3- klass basshısınıń 2021-2022- oqıw jılı boyınsha islegen jumıslarınıń

34-sanlı ulıwma orta bilim beriw mektebiniń 3- klass basshısınıń 2021-2022- oqıw jılı boyınsha islegen jumıslarınıń
Esabatı
Men Eletaeva Jibek baslawısh klass muǵallimi. Men házirgi waqıtta 3-klasına basshılıq etip, oqıwshılarǵa bilim beriw menen birgelikte olardıń oy órisin , erkin pikirlewin rawajlandırıwda óz úlesin qospaqtaman. Klasımda 19 oqıwshı bar , solardıń ishinde 9 qız bala, 10 er bala.
Jıl dawamında tárbiya saatına ajıratılǵan 24 saat tolıq ótildi,sabaq islenbeleri bar. Oqıw jılın Ózbekistan Respublikası Ǵárezsizligine 30 jıl tolıwı múnásebeti menen «Áziz hám jalǵızımsań ,janajan Ózbekistanım!» súreni astında «Watan keleshegi biziń qolımızda», temasında hám húrmetli Birinshi Prezidentimiz Islam Abdiǵanievish Karimovtıń ómiri , Watanımız keleshegi ushın islegen miynetleri, biz jaslardıń bilim alıw ushın jaratıp bergen imkaniyatları haqqında túsinik jumıslarin alıp barıw menen basladım. Men sabaq barısında sabaqtı zamanaǵóy usılda interaktiv metodlardan paydalanıp, sonday-aq oqıwshılardıń qızıǵıwshılıǵın arttırıw maqsetinde texnikalıq qurallardan paydalanıp sabaq ótiwge háreket etip atırman.
Hápteniń besinshi kúnleri tárbiya saatları ótip, oqıwshılardı ádep ikramlılıqqa, Watan súyiwshilik ruwxında tárbiyalap atırman. Sonday-aq oqıwshılar arasında jol háreketi hádiyseleriniń aldın alıw maqsetinde tárbiya saatlarında jol háreketi qádeleri haqqında túsinik jumısları alıp bardım. Klastan tıs jumıslarında oqıwshılar menen birgelikte “ Durıs awqatlanıw”,” Botulizm”,” Ádep ikramlılıq qaǵıydaları” temalarında sáwbetlesiwler alıp barıldı. Oqıwshılardıń erkin pikirlewin rawajlandırıw maqsetinde “Men oqıǵan kitap” , “Men súygen ertek qáhármanı” temasında sáwbetlesıwler ótkerilip barıldı. Oqıwshılarǵa ullı tulǵalarımız Alisher Nawayı, Zahriddin Muxammed Babur haqqında maǵlıwmatlar berilip barıldı. Oqıwshılar arasında huqıqbuzarlıqtıń aldın alıw,jaman illet haqqında túsinik jumısları alıp barıldım. Klastan tıs jumıslarında oqıwshılar menen birgelikte “ Únemlilik hám de dámegóylik illetleri” haqqında ”Bilim – teńsiz ǵáziyne ”,” Kitap –bilim bulaǵı” temalarında sáwbetlesiwler alıp barıldım.
Jańa jıl bayramı múnásebeti menen «Jańa jılǵa ılayıq sawǵam», 14- yanvar Watan qorǵawshılar kúni múnásebeti menen «Watan qorǵawshı ajdadlarımız», 8-mart Hayal qızlar kúni múnásebeti menen «Analarımız úyimiz shamshıraǵı», 21- mart Nawrız doslıq bayramı múnásebeti menen «Milliy úrp ádetlerimiz - maqtanıshımız» temalarında ashıq sabaqlar ótkerildi.
Sonday «Kitabım quyashım», «Funniy English» , 8-mart Hayal qızlar kúni múnásebeti menen «Men anamnıń súwretin salaman» atamasındaǵı tańlawǵa belsene qatnastı.
Jıl dawamında ata-analar menen tıǵız baylanısta bolıp sóylesiwler alıp barıldı hám qatnas dápterine jazıp barıldım. Hár sherekte ata- analar jıynalısı ótkerildim, protokol hám súwretleri bar.
Jıl dawamında keste boyınsha dógerek jumısları ótkerildim, sabaq islenbeleri bar. Sonday-aq tómen úlgeriwshi hám ziyrek oqıwshılar menen qosımsha sabaqlar shólkemlestirildim.
Men jas óspirimlerge tálim –tárbiya beriwde óz bilimin, kásiplik sheberligimdi ayamay jumıs alıp barmaqtaman.