34-sanlı ulıwma orta bilim beriw mektebiniń 3- klass basshısınıń 2021-2022- oqıw jılı boyınsha islegen jumıslarınıń

Klass basshısı Eletaeva Jibek


Xojeli qalası 34-sanlı ulıwma orta bilim beriw mektebiniń 2- klass basshısınıń 2021-2022- oqıw jılı boyınsha islegen jumıslarınıń
Esabatı
Men Xalmuratova Miyaxan baslawısh klass muǵallimimen. Men házirgi waqıtta 2- klasına basshılıq etip, oqıwshılarǵa bilim beriw menen birgelikte olardıń oy órisin , erkin pikirlewin rawajlandırıwǵa óz úlesimdi qospaqtaman. Klasımda 22 oqıwshı bar , solardıń ıshınde 11qız bala, 11 er bala
Oqıw jılın Ózbekistan Respublikası Ǵárezsizligine 30 jıl tolıwı múnásebeti menen «Áziz hám jalǵızımsań ,janajan Ózbekistanım!» súreni astında «Serquyash Ózbekstan», temasında hám húrmetli Birinshi Prezidentimiz Islam Abdiǵanievish Karimovtıń ómiri , Watanımız keleshegi ushın islegen miynetleri, biz jaslardıń bilim alıw ushın jaratıp bergen imkaniyatları haqqında túsinik jumıslarin alıp barıw menen basladım . Men sabaq barısında sabaqtı zamanaǵóy usılda interaktiv metodlardan paydalanıp, sonday-aq oqıwshılardıń qızıǵıwshılıǵın arttırıw maqsetinde texnikalıq qurallardan paydalanıp sabaq ótiwge háreket etpektemen.
Jıl dawamında tárbiya saatına ajıratılǵan 34 saat tolıq ótildi,sabaq islenbeleri bar.Hápteniń besinshi kúnleri tárbiya saatların ótip, oqıwshılardı ádep ikramlılıqqa, Watan súyiwshilik ruwxında tárbiyalap baraman. Sonday-aq oqıwshılar arasında jol háreketi hádiyseleriniń aldın alıw maqsetinde tárbiya saatlarında jol háreketi qádeleri haqqında túsinik jumısların alıp bardım. 1- oktyabr «Oqıtıwshılar hám tárbiyashılar» kúni múnásebeti menen «Ustaz mehri»,8- dekabr Konstituciya kúni múnásebeti menen «Biziń huqıqlarımız», Jańa jıl bayramı múnásebeti menen «Jańa jıl rejeleri», 14- yanvar Watan qorǵawshılar kúni múnásebeti menen «Watanımız qorǵawshıları», 8-mart Hayal qızlar kúni múnásebeti menen «Anajanlar sizge tázim», 21- mart Nawrız bayramı múnásebeti menen «Ózbek milliy oyınları» temalarında ashıq sabaqlar ótkerdim.
Bul sabaqlardan tısqarı 8- dekabr Konstituciya kúni múnásebeti menen «Biziń huqıqlarımız» temasında keshe shólkemlestirip ,bunda oqıwshılar Konstituciyadan statiyalardı ,taqmaqlar,ayaq oyınlar ,saxnalıq kórinisler kórsetti. Sonday-aq 2019- jıldı múnásip kútip alıw ushın « Jańa jıl rejeleri » atamasında koncert baǵdarlaması shólkemlestirildi. 14- yanvar Watan qorǵawshılar kúni múnásebeti menen er balalar arasında “Suńqarlar”tańlawı ótkerildi. Bunda 4 basqıshta jarıstı.

1.Sálemnama.( Bunda ózleri,tuwılǵan jeri, ata-anası haqqında maǵlıwmat berdi).

2.Soraw-juwap.
3.Óz ónerin kórsetiw
4. Saxnalıq kórinis.
Usı shártler boyınsha kúsh sınastı.Jarıs júdá qızıqlı ótti. Jarıs sońında qatnasıwshılardıń toplaǵan balları esaplanıp, Joldasbaev Begzad úshinshi, Kobeysinov Miyras ekinshi, Qutlımuratov Bawırjan birinshi orındı iyeledi. Sonday «Kitabım quyashım», «Happy English» , Jaslar awqamı tárepinen shólkemlestirilgen «Jaslar shaxmat taxtası »hám “Kamalak yulduzları” , 8-mart Hayal qızlar kúni múnásebeti menen «Men anamnıń súwretin salaman» atamasındaǵı tańlawǵa belsene qatnastı.
Klastan tıs jumıslarında oqıwshılar menen birgelikte “ Durıs awqatlanıw”, “Botulizm”, “ Ádep ikramlılıq qaǵıydaları” temalarında sáwbetlesiwler alıp barmaqtaman. Oqıwshılardıń erkin pikirlewin rawajlandırıw maqsetinde “Men oqıǵan kitap” , “Men súygen ertek qáhármanı” temasında sáwbetlesiwler ótkerilip barıldı. Oqıwshılarǵa ullı tulǵalarımız Alisher Nawayı hám Zahriddin Muxammed Babur,Amir Temurlar haqqında maǵlıwmatlar berilip barıldı. Oqıwshılar arasında huqıqbuzarlıqtıń aldın alıw,jaman illetler haqqında túsinik jumısların alıp bardım. Klastan tıs jumıslarında oqıwshılar menen birgelikte “ Únemlilik hám de dámegóylik illetleri” haqqında “Bilim – teńsiz ǵáziyne ”, “ Kitap –bilim deregi” temalarında sáwbetlesiwler alıp bardım.
Jıl dawamında ata-analar menen tıǵız baylanısta bolıp sóylesiwler alıp bardım hám qatnas dápterine jazıp barıldı. Hár sherekte ata- analar jıynalısı ótkerildi, protokol hám súwretleri bar.
Jıl dawamında keste boyınsha dógerek jumısları ótkerildi, sabaq islenbeleri bar. Sonday-aq tómen úlgeriwshi hám ziyrek oqıwshılar menen qosımsha sabaqlar shólkemlestirildi.
Meniń oqıwshılarım mektepte keste boyınsha alıp barılıp atırǵan barlıq pán dógereklerine tolıq jıl dawamında qatnasıp kelmekte hám mektepten tısqarı sporttıń gúres,qol tobı túrlerine ul balalar,al muzıka mektebine Seytnazarova Gulnara hápteniń jup kúnleri qalmay qatnasıp óz duwtarı menen qosıqlar aytıp mektebimizde ótkerilip atırǵan bayramlarǵa kóterińki ruwx baǵıshlap kelmekte.
Men jas óspirimlerge tálim –tárbiya beriwde óz bilimim,kásiplik sheberligimdi ayamay jumıs alıp barmaqtaman.