3000 та бухгалтерия ўтказмаси

Молиявий ижара шартномаси бўйича олинган асосий
воситаларни ҳисобга олувчи счётларнинг (0300) боғланиши

Корхона томонидан молиявий ижара шартномаси бўйича олинган асосий воситалар мавжудлиги ва ҳаракати тўғрисида маълумотни умумлаштириш 0310 "Молиявий ижара шартномаси бўйича олинган асосий воситалар" счётида амалга оширилади. Ушбу счётдан ижарага олувчи корхоналар фойдаланадилар.

Корхонага молиявий ижара шартларига мувофиқ келиб тушган асосий воситалар 0310 "Молиявий ижара шартномаси бўйича олинган асосий воситалар" счётининг дебети ва 6950 "Узоқ муддатли мажбуриятлар - жорий қисми" ва 7910 "Тўланадиган молиявий ижара" счётларининг кредити бўйича кирим қилинади.
Молиявий ижара шартномасининг шартларига мувофиқ (ёки ижарага берувчи ва ижарачининг қўшимча келишуви асосида) ижарага олинган асосий воситалар объекти ижарачининг мулкига ўтганда, ҳисобда асосий воситаларни ҳисобга олувчи (0100) счётларнинг дебети ва 0310 "Молиявий ижара шартномаси бўйича олинган асосий воситалар" счётининг кредитида асосий воситалар турлари бўйича ёзувлар амалга оширилади. Бир вақтнинг ўзида ушбу объект бўйича 0299 "Молиявий ижара шартномаси бўйича олинган асосий воситаларнинг эскириши" счётида қайд этиб борилган эскириш суммаси тегишли асосий воситаларнинг эскиришини ҳисобга олувчи (0200) счётларга ўтказилади.

Т/р	Хўжалик операциясининг мазмуни	Боғланувчи счётлар		Ёзувларни тасдиқловчи ҳужжатлар
		дебет	кредит
1	Молиявий ижара шартномаси бўйича асосий воситалар келиб тушган:			Молиявий ижара шартномаси, асосий воситаларни қабул қилиштопшириш далолатномаси
	- узоқ муддатли мажбуриятларнинг жорий қисмига	0310	6950
	- ижара бўйича узоқ муддатли мажбуриятларга	0310	7910
2	Молиявий ижара бўйича узоқ муддатли мажбуриятларнинг ҳар йили жорий қисмига ўтказилиши акс эттирилган	7910	6950	Молиявий ижара шартномаси, лизинг тўловининг ҳисоб-китоби
3	Молиявий ижара объектларидан мақсадга кўра фойдаланиш учун яроқли ҳолга келтириш билан боғлиқ харажатлар мавжуд бўлган тақдирда, молиявий ижара объектларини бошланғич қиймати бўйича фойдаланишга туширилиши (асосий воситалар таркибига ўтказилиши) акс эттирилган	0310	0860	Молиявий ижара шартномаси, асосий воситаларни қабул қилиштопшириш далолатномаси
4	Молиявий ижара шартномаси бўйича устав капиталига улуш ҳисобидан келиб тушган асосий воситалар қўшимча баҳоланган	0310	8310-8330	Таъсис шартномаси, молиявий ижара шартномаси, қийматини ошириш тўғрисида келишув
5	Қайта баҳолаш (қўшимча баҳолаш) натижасида молиявий ижара шартномаси бўйича келиб тушган асосий воситалар қўшимча баҳоланган	0310	8510	Молиявий ижара шартномаси, раҳбарнинг қайта баҳолашни ўтказиш тўғрисидаги буйруғи
6	Қайта баҳолаш (қийматнинг арзонлаштирилиши) натижасида молиявий ижара шартномаси бўйича келиб тушган асосий воситалар қиймати камайтирилган:			Молиявий ижара шартномаси, раҳбарнинг қайта баҳолашни ўтказиш тўғрисидаги буйруғи
	- олдинги қайта баҳолаш (қўшимча баҳолаш) чегарасидаги суммага	8510	0310
	- олдинги қайта баҳолаш (қўшимча баҳолаш) чегарасидан юқори бўлган суммага	9430	0310
7	Молиявий ижара шартномаси бўйича олинган асосий воситалар объектларининг хусусий асосий воситалар таркибига ўтказилиши акс эттирилган	0110-0190	0310	Молиявий ижара шартномаси, сотиб олиш тўғрисида келишув
	Бир вақтнинг ўзида жамғарилган эскириш ўтказилиши акс эттирилган	0299	0211-0290
8	Молиявий ижара шартномаси бўйича олинган асосий воситаларнинг лизингга берувчига қайтарилиши акс эттирилган:			Молиявий ижара шартномаси, қайтариш тўғрисида келишув, асосий воситаларни қабул қилиштопшириш далолатномаси
	а) бошланғич (тиклаш) қийматига	9210	0310
	б) жамғарилган эскириш суммасига	0299-0212	9210
	в) молиявий ижара шартномаси бўйича олинган асосий воситалар ободонлаштирилганлиги учун лизингга берувчи томонидан қопланадиган суммага	4890	9210
	г) молиявий ижара шартномаси бўйича олинган асосий воситалар объектини қайта баҳолаш натижаси (сальдо)нинг суммасига	8510	9210
	д) лизинг тўловлари жадвали (тартиби) бўйича асосий қарзнинг тўланмаган қолдиғи суммасига:
	- жорий қисми	6950	9210
	- узоқ муддатли қисми (молиявий ижара шартномаси муддати тугамагунга қадар қайтарилганда)	7910	9210
	е) молиявий ижара шартномаси бўйича олинган асосий воситаларни қайтариш (демонтаж, ташиш харажатлари ва ҳ.к.) бўйича харажатлар суммасига, улар молиявий ижара шартномасига мувофиқ лизингга олувчи томонидан амалга оширилган тақдирда	9210	6710, 6520, 6990 ва б.
	ж) молиявий ижара шартномаси бўйича олинган асосий воситалар қайтарилишидан олинган фойда	9210	9310
	з) молиявий ижара шартномаси бўйича олинган асосий воситалар қайтарилишидан кўрилган зарар	9430	9210
	и) молиявий ижара шартномаси бўйича олинган асосий воситаларни ободонлаштириш бўйича харажатларни қоплаш ҳисобига лизингга берувчидан келиб тушган пул маблағлари	Пул маблағ- ларини ҳисобга олувчи счётлар	4890