3-tajriba ishi.(4-soat)

Tajriba qurilmasining yozma tavsifi
Tajriba qurilmasi stendi sifatida ko‘rgazmali bannerlar, kafedrada mavjud erga ulagich qurilmalari, hamda Toshkent shahar MESi korxonalarida mavjud tajriba stendlari bilan elektr xavfsizligi asosida erga ulagich qurilmalarini o‘rnatish.
Mavjud ko‘rgazmali bannerlarda erga ulagich qurilmalarini o‘rnatish yo‘llari va tavsiflari tasvirlangan.
Kafedrada mavjud tajriba stendlariga erga ulagich qurilmalarini o‘rnatish yo‘llari ko‘rsatilgan.
Toshkent shahar MESi korxonasi podstansiyalarida mavjud erga ulagich qurilmalari o‘rnatish yo‘llarini to‘g‘ri bajarish holatini ko‘rsatilgan.


Tajriba ishini bajarishga topshiriq
1. Tajriba ishini yozma tavsifi bilan to‘liq tanishish;
2. Elektr uskunalarida erga ulagich qurilmalarini to‘g‘ri o‘rnatishning umumiy qoidalarini o‘rganish;
3. O‘qituvchi tомonidan bergan topshiriq bo‘yicha quyidagi jarayonlarni bajarish:
a) Erga ulagichni o‘rnatish bo‘yicha umumiy talablarni bilish;
b) Himoyalovchi o‘chirish va himoyalovchi erga ulagich qurilmalari, hamda qadamli kuchlanish tushunchalari;
v) Elektrstansiya va podstansiyalarning elektr uskunalarida erga ulagichni o‘rnatish;
g) Elektr uzatish tarmog‘ida erga ulagichlarni o‘rnatish.


Tajriba ishini bajarish uslubi va tartibi
O‘qituvchi tомonidan ko‘rsatilgan jarayonlarni bajarishga kirishishdan oldin, Elektr uskunalarida erga ulagich qurilmalarini to‘g‘ri o‘rnatishning umumiy qoidalarini o‘rganib chiqish zarur. Ularning mazmuni quyidagilardan iborat:
a) Himoyalovchi o‘chirish va himoyalovchi erga ulagich qurilmalari, hamda qadamli kuchlanish tushunchalari:
- himoyalovchi erga ulagich, bu kuchlanish ostida qolishi mumkin bo‘lgan metalli tok yurmaydigan qismlarni oldindan erga ulab qo‘yishdir (7-rasm).

7-rasm. Erga to‘g‘ridan-to‘g‘ri ikki martta ulanish sxemasi
- qadamli kuchlanish, bir vaqtning o‘zida inson oyoqlari tegib ketgan erning ikki nuqtasi orasidagi kuchlanish tushuniladi (8-rasm).