3-мавзу: Замонавий таълим тизимига қўйиладиган асосий талаблар. Таълим муассасаси менежменти

Таълим муассасаси директорининг вазифалари

• Таълим муассасаси манфаатларини ифодалаш; ўқув-тарбия жараёни муваффақиятини таъмин этиш; ўқув дастурларининг бажарилишини назорат қилиш, таълим-тарбия ишларининг сифати ва самарадорлиги, болалик ва меҳнатни муҳофаза қилиш талабларининг риоя қилиниши, шунингдек, таълим муассасасидан ташқарида маънавият ишларини ташкил қилиниши учун зарур шарт-шароитларни яратиш; педагогик ва раҳбар кадрларни танлаб жой-жойига қўйиш, уларнинг вазифаларини белгилаш, педагогик кадрлар, кабинет ва устохона мудирларини белгилаш, синф ва гуруҳ раҳбарларини тан-лаш, педагог ва хизмат кўрсатувчи ходимларни ишга қабул қилиш ҳамда бўшатиш; таълим муассасаси педагогик ходимларини аттестатсиядан ўтказувчи комиссияга раҳбарлик қилиш; таълим муассасаси педагогик ходимларининг ижодий ишлари, таълим-тарбиянинг илғор шакл ва усулларини қўллашлари учун шарт-шароитларни яратиш; таълим муассасасига ажратилган молиявий маблағлар, сарф-ҳаражат ҳисобини юритиш; таълим муассасаси меъёрий ҳужжатларининг тўғри юритилишини таъминлаш; таълим муассасаси Педагогик кенгаши, маҳаллий ҳокимлик органлари олдида ўз фаолияти тўғрисида ҳисоб бериб туриш. Мактаб директори ўқитувчи ва ёрдамчи ходимларни ишга қабул қилади ва ишдан бўшатади, ходимлар, ўқитувчиларни рағбатлантиради, шунингдек, ўринли ҳолатларда уларни жазолайди, алоҳида ўрнак кўрсатган ўқитувчи ва ходимларни давлат мукофотларига тавсия этади

Ўқув-тарбия ишлари бўйича директор ўринбосарининг вазифалари

• Ўқув ҳафтаси ва ўқув машғулотларининг давомийлигини таъминлаш;
• дарс жадвалини тузиб чиқиш ва шу жадвалга биноан дарсларнинг ўз вақтида самарали ўтказилишини таъминлаш;
• ҳар бир чорак охирида, семестр давомида директор ва таълим муассасаси Педагогик кенгаши аъзоларига ўқув жараёнининг бориши хусусидаги ахборот ва маълумотларни бериб бориш;
• ёш мутахассисларга амалий ва услубий ёрдам кўрсатиш;
• синф ва гуруҳ журналларини тўғри юритиш ва сақланишига жавоб бериш;
• ўқувчиларнинг билим даражасини режа асосида таҳлил қилиб бориш;
• ўқувчи лар томонидан давлат дастурларининг бажарилишини таъминлаш ва назорат қилиш.