3-Мавзу: су/урта атамалари ва тушунчалари

«Ўзагросуғурта» давлат акциядорлик суғурта компанияси

«Ўзагросуғурта» давлат акциядорлик суғурта компанияси очиқ турдаги жамияти шаклида, юридик шахс сифатида ташкил қилиниб, ўзининг мустақил баланси, ҳисоб ва валюта рақамларига эга.

Компания фаолиятининг асосий йўналиши-қишлоқ хўжалиги соҳасида товар ишлаб чиқарувчиларнинг мулк ва маҳсулотларини суғурта йўли билан химоя этиш, банклардан олинган кредитларни қайтаришга суғурта кафолатлари тақдим этиш, қишлоқ хўжалик маҳсулотларини етиштириш учун бериладиган аванс маблағларини қайтаришни суғуртавий кафолатлаш, юридик ва жисмоний шахсларга ҳар томонлама суғурта хизматларини кўрсатишдан иборатдир.
Суғурта компаниясининг вазифалари қуйидагилардан иборат:
- суғуртанинг мажбурий ва ихтиёрий турларини амалга ошириш, суғурталанувчиларнинг манфаатларини тўлароқ қондира оладиган суғуртанинг янги турларини ишлаб чиқиш ва ҳаётга тадбиқ қилиш;
- огохлантириш функциясини бажариш асосида, суғурта объектларини зарарланиш ва нобуд булишдан асраш тадбирларини амалга ошириш;
- ўз маблагларини инвестиция ва тижорат фаолиятини муҳим тармоқларга жойлаштириш асосида, шу билан бирга кредит бериш асосида узига тегишли фондларни тулдириб бориш;
- ўз фаолиятини амалга оширишда Республика Вазирликлари, идоралари ва бошқа давлатлар суғурта ташкилотлари билан ҳамкорликда иш олиб бориш;
- суғуртанинг ахборот функцияси асосида реклама ва маслахат хизматларини курсатиш.

«Ўзагросуғурта» ДАСК томонидан амалга ошириладиган суғуртанинг асосий турлари қуйидагилардан иборат:

- қишлоқ хўжалиги корхоналари ва қишлоқ аҳолисини мажбурий суғурта қилиш;
- тижорат банклари томонидан ажратиладиган кредитлар қайтарилиши учун қишлоқ хўжалиги корхоналарининг жавобгарлигини суғурта қилиш;
- қишлоқ хўжалиги махсулотларини етиштириш бўйича аванс тариқасида бериладиган ва фючерс контрактлари бўйича маблаглар қайтарилишини суғурта қилиш;
- қишлоқ жойларида яшовчи фуқароларга тегишли мол-мулкни суғурта қилиш;
- қишлоқ жойларида гаровга, қарзга қуйилган мол-мулкни суғурта қилиш;
- қишлоқ жойларида транспорт воситалари эгаларининг фуқаролик жавобгарлигини суғурта қилиш.